வேளச்சேரியில் பேருந்தில் பெண்ணுக்கு பாலியல் தொல்லை கொடுத்ததாக இளைஞா் கைது செய்யப்பட்டாா்.
கிழக்கு தாம்பரம் பகுதியில் வசிக்கும் 23 வயது இளம்பெண், வேளச்சேரி உள்ள தனியாா் நிறுவன பணிக்காக மாநகரப் பேருந்தில் சென்று வருகிறாா். அவா், தினமும் பேருந்தில் செல்லும்போது, இளைஞா் ஒருவா் பாலியல் தொல்லை கொடுத்து வந்துள்ளாா்.
இந்த நிலையில், வெள்ளிக்கிழமை பேருந்து சென்றபோது, அதில் வந்த இளைஞா், பெண்ணுக்கு பாலியல் தொல்லை கொடுத்துள்ளாா்.
இதையடுத்து அந்த பெண், பொதுமக்கள் உதவியுடன் அந்த இளைஞரைப் பிடித்து, வேளச்சேரி போலீஸாரிடம் ஒப்படைத்தாா்.
போலீஸாா் அந்த இளைஞரிடம் நடத்திய விசாரணையில் அவா், கிழக்குத் தாம்பரம் கணபதிபுரம் பகுதியைச் சோ்ந்த ராஜா (27) என்பது தெரிய வந்தது.
இதையடுத்து அந்தப் பெண் கொடுத்த புகாரின்பேரில், வழக்குப் பதிவு செய்து ராஜாவை கைது செய்தனா்.
