கோயம்பேட்டில் திருடப்பட்ட அரசுப் பேருந்து நெல்லூரில் பிடிபட்டது!
பேருந்தில் மூதாட்டிக்கு உதவுவதுபோல நடித்து, அவரிடமிருந்த நகையை திருடிய பெண்ணை ராமநாதபுரம் போலீஸாா் வியாழக்கிழமை கைது செய்தனா்.
கோவை நீலிக்கோணாம்பாளையம் சக்தி நகரைச் சோ்ந்தவா் லட்சுமி (73). சூலூா் பகுதியில் வசித்து வரும் தனது மகளைப் பாா்ப்பதற்காக லட்சுமி அங்கு சென்றாா். பின்னா், அங்கிருந்து வீடு திரும்புவதற்காக சூலூரில் இருந்து அவா் கோவைக்கு தனியாா் பேருந்தில் பயணித்தாா்.
பேருந்தில் அவருக்கு அருகே 40 வயது மதிக்கத்தக்க பெண் ஒருவா் அமா்ந்திருந்தாா். லட்சுமியிடம் கழுத்தில் உள்ள தங்கச் சங்கிலி அவிழ்ந்து விழுவதுபோல உள்ளதாக அந்தப் பெண் கூறியுள்ளாா்.
இதனால், லட்சுமி அந்த நகையை கழற்றி கைப்பையில் வைத்தாா். பின்னா் ராமநாதபுரத்தில் இறங்கியபோது, பையில் இருந்த 2 பவுன் நகை காணாமல் போனது தெரியவந்தது.
இதுகுறித்து ராமநாதபுரம் காவல் ஆய்வாளா் ராமச்சந்திரன் வழக்குப் பதிவு செய்து விசாரணை நடத்தினாா். அந்தப் பேருந்தில் பொருத்தப்பட்டிருந்த கண்காணிப்பு கேமராவில் பதிவான காட்சிகளின் அடிப்படையில், கோவை நீலிக்கோணாம்பாளையம் பகுதியைச் சோ்ந்த நதியா (38) என்பவரை போலீஸாா் வியாழக்கிழமை கைது செய்து, நகையை மீட்டனா்.
இவா் மீது உக்கடம் காவல் நிலையத்துக்கு உள்பட்ட பகுதியில் நகை திருடியதாக ஏற்கெனவே ஒரு வழக்கு நிலுவையில் உள்ளதாக போலீஸாா் தெரிவித்தனா்.
