பேருந்து மோதியதில் முதியவா் உயிரிழப்பு

கள்ளக்குறிச்சி அருகே மிதிவண்டியில் சென்ற முதியவா் மீது பேருந்து மோதியதில் நிகழ்விடத்திலேயே சனிக்கிழமை உயிரிழந்தாா்.

கள்ளக்குறிச்சியை அடுத்த பெரியசிறுவத்தூா் கிராமத்தைச் சோ்ந்தவா் நடேசன்(60).

இவா், தனது மிதிவண்டியில் பெரியசிறுவத்தூா் - ஈரியூா் சாலையில் சென்று கொண்டிருந்தாா். அப்போது, பின்னால் வந்த அரசுப் பேருந்து, அவா் மீது மோதியது. இதில், நிகழ்விடத்திலேயே அவா் உயிரிழந்தாா்.

இதுகுறித்த புகாரின் பேரில், சின்னசேலம் போலீஸாா் வழக்குப் பதிவு செய்து பேருந்து ஓட்டுநா் மணிகண்டனிடம் விசாரணை மேற்கொண்டனா்.