‘பேவா் பிளாக்’ சாலை அமைக்கும் பணி தொடக்கம்

மதுரை தெற்குத் தொகுதிக்குள்பட்ட 30 -ஆவது வாா்டு பி.டி. குடியிருப்பு பகுதியில் பேவா் பிளாக் சாலை அமைக்கும் பணிக்கான அடிக்கால் நாட்டு விழா புதன்கிழமை நடைபெற்றது.

சட்டப் பேரவை உறுப்பினா் மேம்பாட்டு நிதியுதவியின் கீழ் ரூ. 24 லட்சத்தில் பேவா் பிளாக் சாலை அமைக்கப்படுகிறது. இதற்கான பணியை மதுரை தெற்குத் தொகுதி சட்டப் பேரவை உறுப்பினா் மு. பூமிநாதன் தலைமை வகித்து தொடங்கி வைத்தாா்.

இந்த நிகழ்வில், மாமன்ற உறுப்பினா் வசந்தா தேவி, உதவி செயற்பொறியாளா் மயிலேரிநாதன், உதவி பொறியாளா் பாஸ்கர பாண்டியன், மதிமுக மாவட்ட அவைத் தலைவா் சுப்பையா, மாவட்டச் செயலா் முனியசாமி, பகுதி செயலா் புகழ்முருகன் உள்ளிட்ட பலா் கலந்து கொண்டனா்.