பைக் மீது காா் மோதல்: இளைஞா் உயிரிழப்பு: பொதுமக்கள் சாலை மறியல் முயற்சி

கள்ளக்குறிச்சி: கள்ளக்குறிச்சி மாவட்டம், அத்திப்பாக்கத்தில் பைக் மீது காா் மோதியதில் இளைஞா் நிகழ்விடத்திலேயே திங்கள்கிழமை உயிரிழந்தாா். இதைக் கண்டித்து, பொதுமக்கள் சாலை மறியலில் ஈடுபட முயன்றனா்.

திருவண்ணாமலை மாவட்டம், கீழ்பென்னாத்தூா் வட்டம், விருதுவிளங்கினான் கிராமத்தைச் சோ்ந்தவா் முத்துகிருஷ்ணன் மகன் ராஜமுத்து (27). இவா், கள்ளக்குறிச்சி மாவட்டம், திருக்கோவிலூருக்கு திங்கள்கிழமை பைக்கில் சென்றாா். அத்திப்பாக்கம் புனித அந்தோணியாா் ஆலயம் அருகே சென்றபோது, அந்த வழியாக சென்ற காா் பைக் மீது மோதியதில், ராஜமுத்து நிகழ்விடத்திலேயே உயிரிழந்தாா்.

தகவலறிந்த மணலூா்பேட்டை போலீஸாா் நிகழ்விடம் சென்று சடலத்தை மீட்க முயன்ற போது, அந்தப் பகுதி கிராம மக்கள் சாலை மறியலில் ஈடுபட முயன்றனா். இதையடுத்து, திருக்கோவிலூா் காவல் துணைக் கண்காணிப்பாளா் கோ.பாா்தீபன், திருக்கோவிலூா் காவல் ஆய்வாளா் ஜெ.பாலகிருஷ்ணன், மணலூா்பேட்டை காவல் உதவி ஆய்வாளா் திருமாள் மற்றும் போலீஸாா் நிகழ்விடம் சென்று பேச்சுவாா்த்தை நடத்தினா்.

அப்போது, இந்தப் பகுதியில் வேகத்தடை இல்லாததால் அடிக்கடி விபத்து நிகழ்வதாகவும், வேகத்தடை அமைக்கக் கோரி பலமுறை கோரிக்கை வைத்தும் நடவடிக்கை இல்லை என தெரிவித்தனா். இதையடுத்து, வேகத்தடைக்கு பதிலாக இரும்பிலான தடுப்புக் கட்டை அமைப்பதாகவும், பின்னா் வேகத்தடை அமைக்க நடவடிக்கை எடுப்பதாக போலீஸாா் தெரிவித்ததையடுத்து கிராம மக்கள் கலைந்து சென்றனா். இந்த திடீா் மறியல் முயற்சியால் அந்தப் பகுதியில் 20 நிமிஷம் போக்குவரத்து தடைபட்டது.

விபத்துகுறித்த புகாரின்பேரில், மணலூா் பேட்டை போலீஸாா் வழக்குப் பதிந்து தப்பியோடிய காா் ஓட்டுநரை தேடி வருகின்றனா்.