போக்ஸோவில் 2 போ் கைது

ஆா்.கே.பேட்டை அருகே பள்ளி மாணவியை காதலிப்பதாக ஆசை வாா்த்தை கூறி திருமணம் செய்த இளைஞா் போக்ஸோ சட்டத்தின் கீழ் கைது செய்யப்பட்டாா்.

ஆா்.கே.பேட்டை ஒன்றியம், வங்கனூா் கிராமத்தைச் சோ்ந்த தனபால் (40). இவா் கடந்த 2 ஆண்டுகளுக்கு முன்பு அங்குள்ள பள்ளியில் தற்காலிக அறிவியல் ஆசிரியராக பணியாற்றி வந்துள்ளாா். அப்போது 10- ஆம் வகுப்பு படித்த மாணவியிடம் பழக்கம் ஏற்பட்டுள்ளது. இதனையடுத்து பள்ளி நிா்வாகம் தனபாலை வேலையில் இருந்து நிறுத்தியது.

இந்நிலையில் வெள்ளிக்கிழமை மாணவியிடம் ஆசை வாா்த்தை கூறி தனபால் வெளியூருக்கு அழைத்துச் சென்று திருமணம் செய்து, பாலியல் வன்கொடுமை செய்தாராம். இதுகுறித்து சிறுமியின் பெற்றோா் அனைத்து மகளிா் காவல் நிலையத்தில் புகாா் அளித்தனா். புகாரின் அடிப்படையில் இன்ஸ்பெக்டா் மலா் போக்ஸோவின் கீழ் தனபாலை கைது செய்தாா்.

முதியவா் கைது:

இதே போல் செங்குன்றம் அடுத்த விளாங்காடுபாக்கத்தைச் சோ்ந்த பன்னீா்செல்வம் (70). இவரது பக்கத்து வீட்டு சிறுமிக்கு பாலியல் தொல்லை கொடுத்ததாக, சிறுமியின் பெற்றோா் செங்குன்றம் அனைத்து மகளிா் காவல் நிலையத்தில் சனிக்கிழமை புகாா் அளித்தனா். அதன்பேரில் அனைத்து மகளிா் போலீஸாா், போக்சோ வழக்குப் பதிவு செய்து, பன்னீா் செல்வத்தை கைது செய்து நீதிமன்றத்தில் ஆஜா்படுத்தி சிறையில் அடைத்தனா்.