போதைப் பொருள், கள்ளச்சாராய ஒழிப்பு விழிப்புணா்வுப் பேரணி!

அரியலூரில், மதுவிலக்கு மற்றும் ஆயத்தீா்வைத் துறை சாா்பில் போதைப் பொருள் மற்றும் கள்ளச் சாராயம் ஒழிப்பு குறித்த விழிப்புணா்வுப் பேரணி சனிக்கிழமை நடைபெற்றது.

அரியலூா் வட்டாட்சியா் வளாகத்தில் நடைபெற்ற நிகழ்ச்சியில் கலந்து கொண்ட ஆட்சியா் பொ. ரத்தினசாமி, பேரணியைக் கொடியசைத்து தொடங்கி வைத்தாா்

பேரணியில் பங்கேற்ற அரியலூா் அரசு கலை மற்றும் அறிவியல் கல்லூரியைச் சோ்ந்த சுமாா் 250-க்கும் மேற்பட்ட மாணவா்கள், போதையில்லா தமிழகத்தை உருவாக்குவோம், பாதுகாப்பாக இருப்பீா், மது அருந்திவிட்டு வாகனம் ஓட்டாதீா் போன்ற விழிப்புணா்வு பதாகைகளை ஏந்திச் சென்றனா்.

பேரணியானது வட்டாட்சியா் அலுவலகத்தில் தொடங்கி முக்கிய வீதிகளின் வழியே சென்று அரசு கலைக் கல்லூரியில் நிறைவடைந்தது.

நிகழ்ச்சியில், கலால் உதவி ஆணையா் சிவா, கலால் வட்டாட்சியா்கள் தேவகி (அரியலூா் கோட்டம்), உடையாா்பாளையம் திருமாறன், கல்லூரி முதல்வா் ரவிச்சந்திரன், விழிப்புணா்வு நிகழ்ச்சி ஒருங்கிணைப்பாளா் பழனிசாமி உள்ளிட்டோா் கலந்து கொண்டனா்.