கும்பகோணம் அருகே திருட்டு வழக்கு விசாரணைக்கு அழைத்துச் சென்ற போலீஸாரிடமிருந்து வெள்ளிக்கிழமை தப்ப முயன்ற இளைஞருக்கு கால் முறிந்தததில் அவா் மருத்துவமனையில் சோ்க்கப்பட்டாா்.
தஞ்சாவூா் மாவட்டம், பந்தநல்லூா் சாயினாபுரத்தைச் சோ்ந்தவா் ஜோதிமணி மகன் ஆசைமணி (25). இவா் மீது உள்ள பல்வேறு திருட்டு வழக்குகள் உள்ளன. இதுதொடா்பாக கும்பகோணம் குற்றப் பிரிவு போலீஸாா் ஆசைமணியை விசாரணைக்கு அசூா் - கும்பகோணம் புறவழிச்சாலையில் அழைத்துச் சென்றபோது அவா் நெடுஞ்சாலை பாலத்திலிருந்து கீழே குதித்து தப்ப முயன்றாா். அப்போது வலது கால் எலும்பு முறிந்து நடக்கமுடியாமல் கிடந்த ஆசைமணியை போலீஸாா் மீட்டு கும்பகோணம் அரசு மருத்துவமனையில் சோ்த்தனா்.
