மகாராஷ்டிரா: `இவர்கள் எல்லாம் நீக்கப்படுவார்கள்..!’ - பெண்கள் நிதியுதவித் திட்டத்தில் அஜித் பவார்

மகாராஷ்டிராவில் கடந்த ஆண்டு நவம்பர் மாதம் நடந்த சட்டமன்ற தேர்தலுக்கு முன்பு, `முக்கிய மந்திரி லட்ஹி பெஹின் யோஜனா’ எனப்படும் பெண்களுக்கு மாதம் ரூ.1500 கொடுக்கும் திட்டத்தை மாநில அரசு அவசரமாக அறிவித்தது. அப்போது இத்திட்டத்திற்கு விண்ணப்பித்த அனைவருக்கும் அவர்களது வங்கிக்கணக்கில் ரூ.1500 வீதம் வரவைக்கப்பட்டு வருகிறது.

ஆனால் இத்திட்டத்தால் மாநில அரசுக்கு ஆண்டுக்கு ரூ.46 ஆயிரம் கோடி அளவுக்கு செலவு ஏற்பட்டு வருகிறது. இதனால் மாநிலத்தில் மற்ற வளர்ச்சித்திட்டங்களை நிறைவேற்றுவதில் சிக்கல் ஏற்பட்டுள்ளது. இதையடுத்து இத்திட்டத்தில் பயனடைந்து வருபவர்களை மறு ஆய்வு செய்ய மாநில அரசு திட்டமிட்டுள்ளது. ஆண்டுக்கு ரூ.2.5 லட்சத்திற்கு குறைவான வருவாய் இருக்கும் 65 வயதுக்கு குறைவான பெண்களுக்கு இந்த நிதியுதவி குடும்பத்தில் ஒருவருக்கு மட்டும் வழங்கப்படுகிறது.

ஆனால் இப்போது ஒரே குடும்பத்தை சேர்ந்த பலர் இந்த உதவித்தொகையை வாங்கிக்கொண்டிருக்கின்றனர். இதையடுத்து வசதி படைத்த பெண்கள் இத்திட்டத்தில் இருந்து நீக்கப்படுவார்கள் என்று துணை முதல்வர் அஜித்பவார் தெரிவித்துள்ளார்.

இது தொடர்பாக அவர் சட்டமன்றத்தில் பேசுகையில்,'' அவசரம் மற்றும் குழப்பத்தில் வசதி படைத்த சில சகோதரிகள் பெண்கள் நிதியுதவி திட்டத்தில் சேர்க்கப்பட்டுள்ளனர். ஏழைகள் மட்டும் இத்திட்டத்தில் பயனடையும் வகையில் இத்திட்டத்தில் திருத்தம் செய்யப்படும். ஆனால் கொடுத்த பணத்தை திரும்ப வாங்கமாட்டோம். இத்திட்டத்தை நிறுத்தமாட்டோம். இத்திட்டத்திற்கு தேவையான நிதி இருக்கிறது.

ஏழை பெண்கள் 100 சதவீதம் இத்திட்டத்தில் பயனடைவார்கள். இத்திட்டத்தில் இருக்கும் பெண்கள் சொந்த தொழில் செய்து சொந்தமாக சம்பாதிக்க ரூ.10,000 முதல் 25,000 வரை கடன்களும் கொடுக்கப்படும். மும்பை வங்கி, கூட்டுறவு வங்கிகள், பெண்கள் மேம்பாட்டுக்கழகத்தின் மூலம் இந்த கடனுதவி வழங்கப்படும்''என்று தெரிவித்தார்.

அஜித்பவாரின் இந்த அறிவிப்பால் பெண்கள் அதிர்ச்சியடைந்துள்ளனர். மாநில அரசு ஏற்கனவே கடுமையான நிதி நெருக்கடியில் சிக்கி இருக்கிறது. எனவே முக்கிய மந்திரி லட்ஹி பெஹின் யோஜனா திட்டத்தில் திருத்தம் செய்ய மாநில அரசு முடிவு செய்துள்ளது.

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks