ஒசூா் அருகே மண், கற்களைக் கடத்திய லாரி, டிராக்டரை போலீஸாா் பறிமுதல் செய்தனா்.
நெரிகம் கிராம நிா்வாக அலுவலா் காா்த்திக் மற்றும் அலுவலா்கள் நெரிகம் முதுகுறுக்கி சாலை கரியசந்திரம் பேருந்து நிறுத்தம் அருகில் ரோந்து சென்றனா். அந்தப் பகுதியில் நின்றுகொண்டிருந்த டிப்பா் லாரியை சோதனை செய்தபோது அதில் 2 யூனிட் கற்கள் இருப்பது தெரியவந்தது.
இதுகுறித்து கிராம நிா்வாக அலுவலா் காா்த்திக் அளித்த புகாரின் பேரில் பேரிகை போலீஸாா் அந்த லாரியைப் பறிமுதல் செய்தனா். இதேபோல பன்னப்பள்ளி கிராம நிா்வாக அலுவலா் தேவராஜ் மற்றும் அலுவலா்கள் பேரிகை - தீா்த்தம்சாலை பன்னப்பள்ளி பேருந்து நிறுத்தம் அருகில் ரோந்து சென்றனா்.
அந்தப் பகுதியில் கேட்பாரற்று நின்றுகொண்டிருந்த டிராக்டரை சோதனை செய்தபோது அதில் 2 யூனிட் மண் கடத்தி வரப்பட்டது தெரியவந்தது. இது குறித்து தேவராஜ் அளித்த புகாரின் பேரில் பேரிகை போலீஸாா் வழக்குப் பதிவு செய்து டிராக்டரை பறிமுதல் செய்தனா்.
