கடலூா் மாவட்டம், பண்ருட்டி ஒன்றியம், பூங்குணம் ஊராட்சி ஒன்றிய தொடக்கப் பள்ளியில் மாணவா்களின் கற்றல் திறனை அலுவலா்கள் வியாழக்கிழமை ஆய்வு செய்தனா்.
பள்ளிக் கல்வி அமைச்சா் அறிவித்த நூறு நாளில் நூறு சதவீத மாணவா்கள் வாசிப்பு சவால் போட்டியில் பூங்குணம் ஊராட்சி ஒன்றிய தொடக்கப் பள்ளி தோ்வு செய்யப்பட்டது. இந்தப் பள்ளி மாணவா்கள் அனைவரும் வாசிக்கும் திறனை பெற்றிருக்கிறாா்களா என்பதற்கான ஆய்வுப் பணியை பண்ருட்டி வட்டாரக் கல்வி அலுவலா் மூ.கமலாதேவி, பண்ருட்டி வட்டார வள மைய மேற்பாா்வையாளா் இளஞ்செழியன் ஆகியோா் ஆய்வு மேற்கொண்டனா்.
பள்ளித் தலைமை ஆசிரியா் சசிகலா வரவேற்றாா். பள்ளி மேலாண்மைக் குழுத் தலைவா் மலா்விழி, இல்லம் தேடிக் கல்வி உறுப்பினா் வேதவாணி மற்றும் ஆசிரியா்கள், கிராம மக்கள், பெற்றோா்கள் கலந்துகொண்டனா். ஆய்வு மேற்கொண்ட அலுவலா்கள் மாணவா்களையும், ஆசிரியா்களையும் பாராட்டினா். ஆசிரியா் பாலமுரளிகிருஷ்ணன் நன்றி கூறினாா்.
