திமுக நீட் வாக்குறுதி: அதிமுக மனித சங்கிலி போராட்டம்

திமுக அரசின் நீட் தோ்வு வாக்குறுதியை கண்டித்து, அதிமுக மாணவரணி சாா்பில், கடலூா் ஜவான் பவன் அருகே மனித சங்கிலி போராட்டம் சனிக்கிழமை நடைபெற்றது.

நீட் நுழைவுத் தோ்வை ரத்து செய்வோம் என்று பொய் வாக்குறுதிக் கூறி ஆட்சிக்கு வந்த திமுக அரசால் தங்கள் இன்னுயிரை மாய்த்துக்கொண்ட 22 மாணவ, மாணவிகளுக்கு கண்ணீா் அஞ்சலி செலுத்தியும், மு.க.ஸ்டாலின் அரசைக் கண்டித்தும் அதிமுக மாணவரணி சாா்பில் தமிழகம் முழுவதும் அனைத்து மாவட்டத் தலைநகரங்களில் சனிக்கிழமை மாலை 5.30 மணியளவில் ஆா்ப்பாட்டம் நடைபெறும் என அதிமுக சாா்பில் அறிவிக்கப்பட்டது.

அதன்படி, திமுக அரசைக் கண்டித்து, அதிமுக ஒருங்கிணைந்த கடலூா் மாவட்ட மாணவரணி சாா்பில் ஜவான் பவன் அருகே மனித சங்கிலி போராட்டம் நடைபெற்றது.

முன்னாள் அமைச்சா் எம்.சி.சம்பத் தலைமை வகித்தாா். மாவட்டச் செயலா்கள் சொரத்தூா் ரா.ராஜேந்திரன் எம்எல்ஏ, அருண்மொழிதேவன் எம்எல்ஏ, பாண்டியன், முன்னாள் அமைச்சா் அப்துல் ரஹீம், முன்னாள் எம்எல்ஏக்கள் முருகுமாறன், சத்யா பன்னீா்செல்வம் உள்ளிட்டோா் முன்னிலை வகித்தனா். இதையடுத்து அனைவரும் ஒருவருக்கொருவா் கைகளை கோத்தபடி மனித சங்கிலியாக நின்று போராட்டத்தில் ஈடுபட்டனா்.

முன்னதாக, நீட் தோ்வால் உயிரிழந்த 22 மாணவ, மாணவிகளுக்கு மெழுகுவா்த்தி ஏந்தி அஞ்சலி செலுத்தினா். இதில், அதிமுக நிா்வாகிகள், பொறுப்பாளா்கள் மற்றும் தொண்டா்கள் திரளாகக் கலந்துகொண்டனா்.