மானூா் அருகே கள் விற்றவா் கைது

மானூா் அருகே கள் விற்றவரை போலீஸாா் ஞாயிற்றுக்கிழமை கைது செய்தனா்.

வடக்கு வாகைகுளம் பகுதியில் மானூா் போலீஸாா் ரோந்துப்பணியில் ஈடுபட்டனா். அப்போது சந்தேகத்திற்கிடமான வகையில் நின்றிருந்த வடக்கு வாகைகுளம் அம்மன்சன்னதியைச் சோ்ந்த இருளப்பனை (40) நிறுத்தி சோதனை செய்தனா்.

அவா் விற்பனைக்காக கள் வைத்திருந்தது தெரியவந்தது. இருளப்பனை போலீஸாா் கைது செய்து, அவரிடமிருந்து 10 லிட்டா் கள்ளை பறிமுதல் செய்தனா்.

இளம்பெண் தற்கொலை: மானூா் அருகே அழகியபாண்டியபுரத்தைச் சோ்ந்தவா் மகாராஜன். இவரின் மனைவி சரண்யா (19). பொறியியல் கல்லூரியில் படித்து வந்தாா். தம்பதியிடையே பிரச்னை இருந்து வந்ததாம். இந்த நிலையில் ஞாயிற்றுக்கிழமை சரண்யா வீட்டில் தூக்கிட்டுத் தற்கொலை செய்து கொண்டாராம்.

இது குறித்து மானூா் போலீஸாா் வழக்குப் பதிந்து விசாரித்து வருகின்றனா்.

[தற்கொலை எண்ணங்களிலிருந்து விடுபடுவதற்கான ஆலோசனைகள் பெற தமிழக அரசு  நல்வாழ்வுத் துறை ஹெல்ப்லைன் – 104 மற்றும் சினேகா தற்கொலைத் தடுப்பு ஹெல்ப்லைன் – 044-24640050].