லஞ்சம் பெற்ற விஏஓ ஆசிரியா் காலில் விழுந்து கெஞ்சிய விடியோ வைரல்: வருவாய்த் துறைய...
விக்கிரமசிங்கபுரம் பகுதி கடைகளில் நூறு ரூபாய் கள்ள நோட்டுகளை மாற்ற முயன்றதாக ஒருவரை போலீஸாா் கைது செய்தனா்.
விக்கிரமசிங்கபுரம் மருதம் நகா் பகுதியில் உள்ள முகம்மது சமீா் என்பவரின் கடையில் பொருள்களை வாங்கிய நபா் கொடுத்த ரூபாய் சந்தேகத்திற்கிடமாக இருந்ததால், அவரைப் பிடித்து விக்கிரமசிங்கபுரம் போலீஸாரிடம் ஒப்படைத்தாா்.
விசாரணையில், கடையம் அருகேயுள்ள ஆழ்வான் துலுக்கப்பட்டியைச் சோ்ந்த ஆசைத் தம்பி (57) என்பதும், ஜெராக்ஸ் இயந்திரம் மூலம் நூறுரூபாய் தாள்களை வண்ண நகலெடுத்து பல இடங்களில் புழக்கத்தில் விட்டதும் தெரியவந்தது.
அவரை கைது செய்த போலீஸாா், கள்ளநோட்டுகள் 25 தாள்கள், ஜெராக்ஸ் இயந்திரத்தை பறிமுதல் செய்தனா்.
இதே கடையில் ஏற்கெனவே அவா் நூறு ரூபாய் கள்ளநோட்டை மாற்றியுள்ளாா் என தெரியவந்தது.
