திருப்போரூா் வட்டத்தில் நாளை ‘உங்களைத் தேடி உங்கள் ஊரில்’ முகாம்
ஒசூா்: கிருஷ்ணகிரி மாவட்டத்தில் கால்நடைகளுக்கான கோமாரி நோய்த் தடுப்பூசி முகாமை மருதேப்பள்ளி கிராமத்தில் மாவட்ட ஆட்சியா் கே.எம்.சரயு திங்கள்கிழமை தொடங்கி வைத்தாா்.
கால்நடை பராமரிப்புத் துறை, பால் உற்பத்தியாளா் கூட்டுறவுச் சங்கம் சாா்பில் 6 ஆவது சுற்று கோமாரி நோய்த் தடுப்பூசி முகாம் பா்கூா் ஊராட்சி ஒன்றியம், மருதேப்பள்ளி கிராமத்தில் திங்கள்கிழமை தொடங்கியது. நிகழ்ச்சியில் டி.மதியழகன் எம்எல்ஏ முன்னிலை வகித்தாா். மாவட்ட ஆட்சியா் முகாமைத் தொடங்கி வைத்துப் பேசியதாவது:
கிருஷ்ணகிரி மாவட்டத்தில் உள்ள 3 லட்சத்து 21 ஆயிரத்து 99 கால்நடைகளுக்கு தேசிய கால்நடை நோய் தடுப்புத் திட்டத்தின் கீழ் 6 ஆவது சுற்று கோமாரி நோய்த் தடுப்பூசி முகாம் தொடங்கியுள்ளது. முகாம் ஜன. 20 ஆம் தேதி வரை நடைபெறும்.
மருதேப்பள்ளி கிராமத்தில் நடைபெற்ற முகாமில் 300 மாடுகளுக்கு இலவசமாக கோமாரி நோய் தடுப்பூசி செலுத்தப்பட்டது. முகாம்களுக்கு வரும் கால்நடை உரிமையாளா்கள் தங்கள் ஆதாா் எண், கைப்பேசி எண் ஆகியவற்றை கண்டிப்பாக தடுப்பூசி குழுவினரிடம் வழங்க வேண்டும்.
பின்னா் கால்நடைகளுக்கு காது வில்லைகள் அணிவிக்கப்பட்ட உடன் தடுப்பூசி செலுத்தப்படும் என்றாா்.
அதையடுத்து தடுப்பூசி செலுத்தப்பட்ட கால்நடைகளின் உரிமையாளா்களுக்கு தடுப்பூசி, மருத்துவ விவரங்கள் அடங்கிய அட்டைகளை ஆட்சியா் வழங்கினாா். கால்நடைகளுக்கு தடுப்பூசி செலுத்தப்பட்டதற்கான காது வில்லை அணிவிக்கும் பணியை பாா்வையிட்டாா்.
நிகழ்ச்சியில் கால்நடை பராமரிப்புத் துறை இணை இயக்குநா் இளங்கோவன், துணை இயக்குநா் பிரசன்னா, ஆவின் பொதுமேலாளா் சுந்தரவடிவேல், கால்நடை பராமரிப்புத் துறை உதவி இயக்குநா்கள் மகேந்திரன், அருள்ராஜ், வட்டார வளா்ச்சி அலுவலா்கள் முருகேசன், துரைசாமி, கால்நடை மருத்துவா்கள் சிவசங்கா், ரமேஷ், வட்டாட்சியா் பொன்னாலா, பலா் கலந்துகொண்டனா்.
பட வரி...
கால்நடை கோமாரி நோய்த் தடுப்பூசி முகாமைத் தொடங்கி வைத்த கிருஷ்ணகிரி மாவட்ட ஆட்சியா் கே.எம்.சரயு, பா்கூா் எம்எல்ஏ டி.மதியழகன்.
