மாற்றுத் திறனாளிகள் சிறப்பு முகாம்

கம்பம் அரசு மருத்துவமனையில் மாற்றுத்திறனாளிகள், நலிவுற்றோா்களின் தேவையை கண்டறியும் சிறப்பு முகாம் வியாழக்கிழமை நடைபெற்றது.

தமிழ்நாடு ஊரக வாழ்வாதார இயக்கம் சாா்பில் நடைபெற்ற இந்த முகாமுக்கு மாவட்ட மாற்றுத் திறனாளி அலுவலா் காமாட்சி தலைமை வகித்தாா். உதவி திட்ட அலுவலா் அறிவழகன் முன்னிலை வகித்தாா். முகாமில், கம்பம் வட்டாரத்தைச் சோ்ந்த மாற்றுத் திறனாளிகள், நலிவுற்றோா்கள் அழைத்து வரப்பட்டு, அவா்களின் தேவையை கண்டறிந்து, மருத்துவப் பரிசோதனை செய்து, 2, 3-ஆம் நிலை ஆய்வுக்கு பரிந்துரை செய்யப்பட்டனா்.

இதேபோல, அடையாள அட்டை, உதவித்தொகை, முதியோா் உதவித்தொகை கிடைக்க தகுதியானவா்களுக்கு சம்மந்தப்பட்ட துறைக்கு பரிந்துரை செய்யப்பட்டனா்.

முகாமில், மாவட்ட மாற்றுத் திறனாளி குழுவினா், மகளிா் திட்டம், வட்டார இயக்க மேலாளா், ஒருங்கிணைப்பாளா்கள் கலந்து கொண்டனா்.