நானும் தில்லி கேபிடல்ஸும் ஐபிஎல் கோப்பையை வென்றதில்லை, ஒன்றிணைந்து வெல்வோம்: கே....
திருப்பூா் மாவட்ட கபடி கழகம் சாா்பில் மாவட்ட இளையோா் பெண்கள் கபடி அணியில் பங்கேற்கும் வீராங்கனைகளுக்கான பொறுக்குத் தோ்வு வரும் சனிக்கிழமை (நவம்பா் 2) நடைபெறுகிறது.
இது குறித்து திருப்பூா் மாவட்ட கபடி கழகத்தின் செயலாளரும், மாநில கபடி கழகத்தின் பொருளாளருமான ஜெயசித்ரா ஏ.சண்முகம் வெளியிட்டுள்ள அறிக்கையில் கூறியுள்ளதாவது:
தமிழ்நாடு மாநில அமெச்சூா் கபடி கழகத்தின் சாா்பில் 50- ஆவது இளையோா் பெண்கள் கபடி சாம்பியன் ஷிப் போட்டிகள் வரும் நவம்பா் 10- ஆம் தேதி திருவண்ணாமலையில் நடைபெறுகிறது. இந்தப் போட்டியில் திருப்பூா் மாவட்ட இளையோா் பெண்கள் கபடி அணி பங்கேற்கவுள்ளது. இந்த அணியில் பங்கேற்பதற்கான வீராங்கனைகளுக்கான பொறுக்குத் தோ்வானது திருப்பூா் காங்கயம் சாலையில் உள்ள மாவட்ட கபடி கழக அலுவலகத்தில் வரும் சனிக்கிழமை (நவம்பா் 2) காலை 10 மணி அளவில் நடைபெறுகிறது.
இதில், பங்கேற்கும் வீராங்கனைகள் 20 வயதுக்குள் அதாவது டிசம்பா் 10, 2024 -ஆம் ஆண்டுக்குப் பின்னா் பிறந்திருப்பதுடன், எடை 65 கிலோவுக்குள் இருக்க வேண்டும். வயது சான்றிதழை தோ்வில் பங்கேற்கும்போது கொண்டுவர வேண்டும்.
தோ்வுப் போட்டிகள் அனைத்தும் மேட் ஆடுகளத்தில் நடைபெறுவதால் மேட் ஷூ கொண்டுவர வேண்டும். மாவட்ட இளையோா் அணிக்கு தோ்வுக் குழுவினரால் தோ்வு செய்யப்படும் வீராங்கனைகளுக்கு மாவட்ட கபடி கழகத்தின் சாா்பில் பயிற்சி அளித்து திருவண்ணாமலைக்கு நடைபெறும் மாநிலப் போட்டிக்கு அழைத்துச் செல்லப்படுவாா்கள் என்று தெரிவிக்கப்பட்டுள்ளது.
