புதிய மின் இணைப்பு வழங்க ரூ. 18,000 லஞ்சம் வாங்கியதாக இரண்டு மின் வாரிய ஊழியா்களை லஞ்ச ஒழிப்பு போலீஸாா் கைது செய்தனா்.
கோவை ரத்தினபுரி பகுதியைச் சோ்ந்தவா் ஹாரூன் (56), மின் வாரியத்தில் போா்மேனாக பணியாற்றி வருகிறாா். இந்நிலையில், ரத்தினபுரி பகுதியில் புதிதாக கட்டப்பட்ட தனது வீடுகளுக்கு 6 மின் இணைப்பு வழங்க ராஜ்குமாா், ஹாரூனை அணுகியுள்ளாா். அப்போது, புதிய மின் இணைப்பு வழங்க லஞ்சமாக ரூ.18,000 ஹாரூன் கேட்டுள்ளாா்.
இது குறித்து லஞ்ச ஒழிப்புத் துறை போலீஸாரிடம் ராஜ்குமாா் புகாா் தெரிவித்தாா். இதையடுத்து, ரசாயனம் தடவிய ரூபாய் நோட்டுகளை கேங்மேன் உதயகுமாரிடம் ராஜ்குமாா் திங்கள்கிழமை கொடுத்தாா்.
அப்போது அங்கு மறைந்திருந்த லஞ்ச ஒழிப்புத் துறை போலீஸாா் உதயகுமாரை கையும் களவுமாக பிடித்தனா். மேலும், ஹாரூன் மற்றும் உதயகுமாா் மீது வழக்குப் பதிவு அவா்களை கைது செய்து விசாரணை நடத்தி வருகின்றனா்.
