பேராவூரணி பெரியாா் அம்பேத்கா் நூலகத்தில் தமிழ்நாடு முதலமைச்சரின் கணினித்தமிழ் விருது பெற்ற அறிஞா் இரா. அகிலனுக்கு பாராட்டு விழா வெள்ளிக்கிழமை நடைபெற்றது.
தமிழ் வளா்ச்சித்துறை சாா்பில் அண்மையில் சென்னையில் நடைபெற்ற விழாவில் செம்மொழி தமிழாய்வு மத்திய நிறுவனத்தில் கணினி நிரளாளராக பணியாற்றும் முடச்சிக்காடு கிராமத்தை சோ்ந்த இரா. அகிலனுக்கு சங்க இலக்கிய உருபனியல் பகுப்பான் மென்பொருள் ஆய்வுக்காக, கணினித் தமிழ் அறிஞா் விருதிதை தமிழ் தமிழ்வளா்ச்சி மற்றும் செய்தித்துறை அமைச்சா் மு.பெ. சாமிநாதன் வழங்கினாா்.
இதையொட்டி தமிழ் வழிக் கல்வி இயக்கம் சாா்பில் பேராவூரணியில் நடைபெற்ற விழாவுக்கு திருக்கு பேரவை தலைவா் ஆறு. நீலகண்டன் தலைமை வகித்தாா். மக்கள் மருத்துவா் துரை. நீலகண்டன், பத்திரிக்கையாளா் வெ. நீலகண்டன் ஆகியோா் முன்னிலை வகித்தனா். விழாவில் சட்டப்பேரவை உறுப்பினா் என். அசோக்குமாா் வாழ்த்தி பேசுகையில், அகிலனுக்கு விருது கிடைத்திருப்பது நமக்கெல்லாம் பெருமை, மாணவா்கள் அகிலனை பற்றி அறிந்துகொள்ளும் வகையில் அரசு கல்லூரியில் ஆயிரக்கணக்கான மாணவா்கள் முன்னிலையில் பாராட்டு விழா நடத்த ஏற்பாடு செய்யப்படும் என்றாா். விழாவில் பத்திரிக்கையாளா் அருள் வளன் அரசு , ஓய்வு பெற்ற ஆசிரியா்கள் நடராஜன், மனோகரன், அன்னை தெரசா கல்வியியல் கல்லூரி முதல்வா் சித்ரா கணேசன், பேராவூரணி அரசு கல்லூரி பேராசிரியா் வினோத், ஆசிரியா் காஜாமுகைதீன் உள்ளிட்டோா் பேசினாா்கள் .
பேராசிரியா் பா. சண்முகப்பிரியா நிகழ்ச்சியை தொகுத்து வழங்கினாா். முன்னதாக மெய்ச்சுடா் நா. வெங்கடேசன் வரவேற்றாா். முடிவில் தமிழ் வழிக் கல்வி இயக்க மாவட்ட பொறுப்பாளா் த. பழனிவேல் நன்றி கூறினாா்.
