துருவ நட்சத்திரம் வெளியீட்டிற்காகக் காத்திருக்கிறேன்: விக்ரம்
மணப்பாறையை அடுத்த வையம்பட்டியில் திமுக தெற்கு ஒன்றியம் சாா்பில் சனிக்கிழமை இரவு தமிழக முதல்வா் பிறந்தநாள் விழா பொதுக்கூட்டம் நடைபெற்றது.
வையம்பட்டி தெற்கு ஒன்றியச் செயலாளா் வி.ஏ. ராஜேந்திரன் தலைமையில் நடைபெற்ற கூட்டத்தில் திமுக நிா்வாகிகள் இன்னாசி, பழனிவேல், என்.ரவிச்சந்திரன், வெங்கடேசன், இளையராஜா ஆகியோா் முன்னிலை வகித்தனா். விழாவில் சிறப்பு அழைப்பாளா்களாக திமுக கரூா் மாவட்டச் செயலாளரும், மின்சாரம், மதுவிலக்கு மற்றும் ஆயத்தீா்வை துறை அமைச்சா் வி. செந்தில்பாலாஜி மற்றும் திருச்சி தெற்கு மாவட்டச் செயலாளரும், பள்ளிக் கல்வித்துறை அமைச்சருமான அன்பில் மகேஸ் பொய்யாமொழி ஆகியோரும் பங்கேற்றுப் பேசினா்.
நிகழ்வில், திமுக மாவட்ட அவைத்தலைவா் என். கோவிந்தராஜ், மாவட்டப் பொருளாளா் ஆா். குணசேகரன், பொதுக்குழு உறுப்பினா் சபியுல்லா, நகரச்செயலாளா் மு.ம.செல்வம், ஒன்றியச்செயலாளா் பழனியாண்டி, கவிஞா் சல்மா ஆகியோா் பங்கேற்றனா். வரவேற்புரை அவைத்தலைவா் ஏ.ஜெயராமன், நன்றியுரையை ஒன்றிய துணைச்செயலாளா் ம.பூ.ரவி கூறினா். நிறைவில் பொதுமக்களுக்கு நலத்திட உதவிகளை அமைச்சா்கள் வழங்கினா்.
