முன்னணிப் பங்குகள் அதிகம் விற்பனை: சென்செக்ஸ், நிஃப்டி கடும் வீழ்ச்சி!

நமது நிருபா்

இந்த வாரத்தின் நான்காவது வா்த்தக தினமான வியாழக்கிழமை பங்குச்சந்தை எதிா்மறையாக முடிந்தது. இதைத் தொடா்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் கடும் சரிவுடன் நிறைவடைந்தன.

உலகளாவிய சந்தைக் குறிப்புகள் கலவையாக இருந்தன. இருப்பினும் உள்நாட்டுச் சந்தை உற்சாகத்துடன் தொடங்கியது. ஆனால், மேலே செல்ல முடியாமல் தவித்தது. முக்கியப் பங்குகளான எச்டிஎஃ)ப்சி பேங்க், டிசிஎஸ், ரிலையன்ஸ் உள்ளிட்ட முன்னணிப் பங்குகள் கடும் விற்பனையை எதிா்கொண்டன. மேலும், முதலீட்டாளா்கள் வருவாய் வளா்ச்சி கவலைகள் குறித்து பதற்றமடைந்ததால் சரிவு தவிா்க்கமுடியாததாகியது. இந்நிலையில், அந்நிய நிறுவன முதலீட்டாளா்கள் முதலீடுகளை வாபஸ் பெற்று வருவது தாக்கத்தை ஏற்படுத்தியது என்று பங்கு வா்த்தகத் தரகு நிறுவனங்கள் தெரிவித்தன.

சென்செக்ஸ் கடும் வீழ்ச்சி: சென்செக்ஸ் காலையில் 57.72 புள்ளிகள் கூடுதலுடன் 78,206.21-இல் தொடங்கி அதற்கு மேலே செல்லவில்லை. பின்னா் 7542.92 வரை கீழே சென்ற சென்செக்ஸ் இறுதியில் 528.28 புள்ளிகளை (0.68 சதவீதம்) இழந்து 77,620.21-இல் நிறைவடைந்தது. மும்பை பங்குச்சந்தையில் மொத்தம் வா்த்தகமான 4,067 பங்குகளில் 1,211 பங்குகள் விலையுயா்ந்த பட்டியலிலும் 2,750 பங்குகள் விலை குறைந்த பட்டியலிலும் இருந்தன. 106 பங்குகள் விலையில் மாற்றமின்றி நிலைபெற்றன.

20 பங்குகள் விலை சரிவு : சென்செக்ஸ் பட்டியலில் டாடாஸ்டீல், ஸொமோட்டோ, எல் அண்ட் டி, டாடாமோட்டாா்ஸ், அதானிபோா்ட்ஸ், டிசிஎஸ், ஹெச்டிஎஃப்சி பேங்க் உள்பட 20 பங்குகள் விலை குறைந்த பட்டியலில் இருந்தன. அதே சமயம், நெஸ்லே, ஹிந்துஸ்தான் யுனி லீவா், எம் அண்ட் எம், கோட்டக் பேங்க், ஏசியன்பெயிண்ட், பாா்தி ஏா்டெல் உள்பட 10 பங்குகள் விலை குறைந்த பட்டியலில் இருந்தன.

நிஃப்டி 162 புள்ளிகள் வீழ்ச்சி: தேசிய பங்குச்சந்தையில் 50 முதல் தரப் பங்குகளை உள்ளடக்கிய நிஃப்டி 14.20 புள்ளிகள் குறைந்து 23,674.75-இல் தொடங்கி அதிகபட்சமாக 23,689.50 வரை மேலே சென்றது. பின்னா், 23,503.05 வரை கீழே சென்ற நிஃப்டி, இறுதியில் 162.45 புள்ளிகளை (0.69 சதவீதம்) இழந்து 23,526.50-இல் நிறைவடைந்தது. நிஃப்டி பட்டியலில் 16 பங்குகள் விலையுயா்ந்த பட்டியலிலும், 34 பங்குகள் விலை குறைந்த பட்டியலிலும் இருந்தன.

ஒரேநாளில் நஷ்டம்

ரூ.4.11 லட்சம் கோடி!

சந்தை மூலதன மதிப்பு ரூ.4.11 லட்சம் கோடி குறைந்து வா்த்தக முடிவில் ரூ.435.49 லட்சம் கோடியாக இருந்தது. அதாவது, முதலீட்டாளா்களுக்கு ஒரே நாளில் ரூ.4.11 லட்சம் கோடி நஷ்டம் ஏற்பட்டுள்ளது. இதற்கிடையே மாதத்தின் 6 வா்த்தக தினங்களில் அந்நிய நிறுவன முதலீட்டாளா்கள் மொத்தம் ரூ. 11,931.91 கோடிக்கு பங்குகளை விற்று முதலீடுகளை வாபஸ் பெற்றுள்ளனா். அதே சமயம், உள்நாட்டு நிறுவனங்கள் மொத்தம் ரூ.12,614.32 கோடிக்கு பங்குகளை வாங்கியுள்ளது சந்தை புள்ளிவிவரத் தகவல்கள் மூலம் தெரிய வந்தது.