இந்தியாவை எப்படியாவது வென்றுவிடுங்கள்: பாக். கிரிக்கெட் வாரிய தலைவர்
சேலம் ரயில்வே உட்கோட்டத்துக்கு உள்பட்ட ரயில் நிலையங்களில் பெண்கள் பெட்டியில் அத்துமீறி ஏறிய 207 ஆண்கள் கைது செய்யப்பட்டனா்.
கோவை - திருப்பதி ரயிலில் கடந்த மாதம் பெண்களுக்கான சிறப்பு பெட்டியில் பயணித்த ஆந்திர மாநிலத்தைச் சோ்ந்த 5 மாத கா்ப்பிணியை இளைஞா் ஒருவா், பாலியல் பலாத்காரம் செய்ய முயன்றதோடு, ரயிலில் இருந்து கீழே தள்ளினாா். இதையடுத்து உயிருக்கு ஆபத்தான நிலையில் அந்த பெண் மீட்கப்பட்டு மருத்துவமனையில் சிகிச்சை பெற்றாா்.
இந்த சம்பவம் தொடா்பாக வேலூரைச் சோ்ந்த ஹேமராஜை போலீஸாா் கைது செய்து சிறையில் அடைத்தனா். இதையடுத்து, அனைத்து ரயில் நிலையங்களிலும் பெண்கள் பெட்டியில் பாதுகாப்பை உறுதி செய்யும் பணியில் ரயில்வே போலீஸாா் ஈடுபட்டு வருகின்றனா். குறிப்பாக, பெண்களுக்கான சிறப்பு பெட்டியில் அத்துமீறி ஏறும் ஆண்கள் மீது நடவடிக்கை எடுக்கப்பட்டு வருகிறது.
சேலம் ரயில்வே உட்கோட்டத்துக்கு உள்பட்ட சேலம், தருமபுரி, ஒசூா், ஜோலாா்பேட்டை, காட்பாடி ஆகிய 5 ரயில் நிலையங்களிலும் ரயில்வே போலீஸாா் தொடா் சோதனை நடத்தி வருகின்றனா். சேலம் ரயில் நிலையத்திலும் பெண் காவலா்கள் பெண்கள் பெட்டியில் பயணிகளின் பாதுகாப்பை உறுதி செய்து வருகின்றனா். அப்போது, ஆண்கள் யாரேனும் இருப்பது தெரியவந்தால், அவா்களைக் கைது செய்து வழக்குப் பதிந்து வருகின்றனா்.
கடந்த ஒரு வாரத்தில் சேலம் வழியாகச் சென்ற ரயில்களில் பெண்கள் பெட்டியில் ஏறிய 40 ஆண்களை போலீஸாா் கைது செய்தனா். அவா்கள் மீது பிஎன்எஸ் சட்டம் 35 (1) பிரிவின் கீழ் வழக்குப் பதிவு செய்யப்பட்டது. இதேபோல, சேலம் உட்கோட்டத்தில் தருமபுரியில் 26, ஒசூரில் 38, ஜோலாா்பேட்டையில் 60, காட்பாடியில் 43 பேரும் கைது செய்யப்பட்டுள்ளனா்.
ஒட்டுமொத்தமாக சேலம் உட்கோட்டத்தில் பெண்கள் பெட்டியில் அத்துமீறி ஏறிய 207 ஆண்கள் கைது செய்யப்பட்டுள்ளனா். இவா்கள் அனைவா் மீதும் வழக்கு நடவடிக்கை எடுக்கப்பட்டுள்ளதாக ரயில்வே போலீஸாா் தெரிவித்தனா்.
