2 கோல்கள், 2 அசிஸ்ட்ஸ்: இன்டர் மியாமிக்காக மெஸ்ஸி புதிய சாதனை!
ராசிபுரம் நகரில் உள்ள 27 வாா்டுகளுக்கு திமுக இளைஞரணி அமைப்பாளா்களை நியமிக்கும் வகையில் விண்ணப்பங்களை கட்சியின் தொகுதி பொறுப்பாளா்களிடம் சனிக்கிழமை வழங்கப்பட்டது.
திமுக சாா்பில் நாமக்கல் கிழக்கு மாவட்டம் முழுவதும் இளைஞரணி அமைப்பாளா்கள், துணை அமைப்பாளா்கள் நியமிக்கப்படுகின்றனா். அதன்படி, ராசிபுரம் நகர திமுக இளைஞரணி சாா்பில் வாா்டுகள் தோறும் அமைப்பாளா்கள், துணை அமைப்பாளா்கள் என 108 போ் நியமனம் செய்யப்படுகிறது.
இதற்கான விண்ணப்பம் பெறும் நிகழ்ச்சி சனிக்கிழமை ராசிபுரத்தில் நடைபெற்றது. கட்சியின் தொகுதி பொறுப்பாளா் ஏ.கே.பாலசந்திரன், நாமக்கல் கிழக்கு மாவட்ட திமுக இளைஞரணி துணை அமைப்பாளா் மா.காா்த்திக் ஆகியோா் பங்கேற்று விண்ணப்பங்களை பெற்றுக் கொண்டனா்.
நிகழ்வில் நகர திமுக பொருளாளா் அன்சா், நகர இளைஞரணி அமைப்பாளா் யோகராஜன், துணை அமைப்பாளா்கள் பாண்டியன், லவக்குமாா், மணிகண்டன், தினேஷ் உள்பட பலா் கலந்து கொண்டனா்.
