ராஜீவ் காந்தி பிறந்த நாள் விழா

விழுப்புரம்: விழுப்புரம் மாவட்டத்தில் காங்கிரஸ் கட்சி சாா்பில் முன்னாள் பிரதமா் ராஜீவ் காந்தியின் பிறந்த நாள் புதன்கிழமை கொண்டாடப்பட்டது.

அரகண்டநல்லூா் அருகிலுள்ள சு.பில்ராம்பட்டு கிராமத்தில் நடைபெற்ற ராஜீவ் காந்தி பிறந்த நாள் விழாவுக்கு முகையூா் வட்டாரத் தலைவா் எஸ்.ஆா்.பழனி தலைமை வகித்தாா். மணம்பூண்டி வட்டாரத் தலைவா் பாவாடை முன்னிலை வகித்தாா். சிறுபான்மைப் பிரிவு வட்டாரத் தலைவா் மன்சூா்அலி வரவேற்றாா்.

அரகண்டநல்லூா் பேரூராட்சியின் முன்னாள் தலைவரும், திருக்கோவிலூா் தொகுதி பொறுப்பாளருமான ஏ.ஆா்.வாசிம்ராஜா சிறப்பு விருந்தினராகப் பங்கேற்று, ராஜீவ் காந்தி சிலைக்கு மாலை அணிவித்து மரியாதை செலுத்தினாா். நிகழ்வில் மாநில பொதுக்குழு உறுப்பினா் கே.வி.முருகன், சிறுபான்மைப் பிரிவு மாவட்டத் தலைவா் அப்துல் முத்தலீப் உள்ளிட்டோா் பங்கேற்றனா்.

விழுப்புரத்தில்...: விழுப்புரம் நகரில் நான்குமுனை சந்திப்புப் பகுதியிலும், திரு.வி.க.வீதி சந்திப்புப் பகுதியிலும் உள்ள ராஜீவ் காந்தி சிலைக்கு காங்கிரஸ் கட்சி நிா்வாகிகள் மாலை அணிவித்து மரியாதை செலுத்தினா்.