காவல் துறையினரைக் கண்டித்து, ராமநாதபுரம் மாவட்ட ஆட்சியா் அலுவலகத்தில் தம்பதியா், கைக்குழந்தையுடன் திங்கள்கிழமை தீக்குளிக்க முயற்சி செய்தனா்.
ராமநாதபுரத்தை அடுத்த சூரங்கோட்டை ஊராட்சியில் உள்ள மேலத்தெருவைச் சோ்ந்தவா் சக்திராஜன். இவா் ஊராட்சியில் நடைபெறும் முறைகேடும் குறித்து தொடா்ந்து மாவட்ட ஆட்சியரிடம் புகாா் அளித்து வந்தாா். இதனால், ஆத்திரமடைந்த அந்தப் பகுதி ஊராட்சி மன்றத் தலைவா் சக்திராஜனுக்கு கொலை மிரட்டல் விடுத்தாராம். இதுகுறித்து சக்திராஜன் காவல் நிலையத்தில் புகாா் அளித்தும் நடவடிக்கை எடுக்கவில்லையாம். மேலும், ஊராட்சி மன்றத் தலைவா் தொடா்ந்து அவருக்கு மிரட்டல் விடுத்து வந்தாராம்.
இந்த நிலையில், ஊராட்சி மன்றத் தலைவா் மீது நடவடிக்கை எடுக்காத காவல் துறையைக் கண்டித்து, ராமநாதபுரம் மாவட்ட ஆட்சியா் அலுவலகத்தில் திங்கள்கிழமை நடைபெற்ற குறைதீா் கூட்டத்தில் புகாா் அளிக்க தனது மனைவி, குழந்தையுடன் சக்திராஜன் வந்தாா். அப்போது, அவா் திடீரென தான் மறைத்து வைத்திருந்த மண்ணெண்ணெயை எடுத்து தன் மீதும், மனைவி, குழந்தை மீது ஊற்றி தீக்குளிக்க முயன்றாா். இதையடுத்து, அங்கு பாதுகாப்புப் பணியில் ஈடுபட்டிருந்த போலீஸாா் அவா்களைத் தடுத்து நிறுத்தி, தண்ணீரை ஊற்றினா். இதைத்தொடா்ந்து, மூவரையும் காவல் நிலையத்துக்கு அழைத்துச் சென்று விசாரணை நடத்தினா்.
