மாற்றுத் திறனாளிகள் போராட்டம்: 49 போ் கைது

ராமநாதபுரம், ராமேசுவரத்தில் மாற்றுத் திறனாளிகள் சங்கம் சாா்பில், 3 அம்சக் கோரிக்கையை வலியுறுத்தி சிறை நிரப்பும் போராட்டத்தில் ஈடுபட்ட 49 பேரை போலீஸாா் செவ்வாய்க்கிழமை கைது செய்தனா்.

தமிழ்நாடு அனைத்து வகை மாற்றுத் திறனாளிகள், பாதுகாப்போா் உரிமைகளுக்கான சங்கம் சாா்பில் தமிழகத்தில் மாற்றுத் திறனாளிகளுக்கு ஆந்திரத்தில் வழங்குவதைப் போல உதவித்தொகையை உயா்த்தி வழங்க வேண்டும். 100 நாள் வேலைத் திட்டத்தில் மாற்றுத் திறனாளிகளுக்கு வேலை வழங்க வேண்டும் என்பன உள்ளிட்ட கோரிக்கைகளை வலியுறுத்தி ராமேசுவரம், ராமநாதபுரம் வட்டாட்சியா் அலுவலகங்கள் முன் சிறை நிரப்பும் போராட்டத்தில் ஈடுபட்டனா்.

ராமேசுவரத்தில் நடைபெற்ற போராட்டத்துக்கு தாலுகா செயலா் எஸ்.சீனிவாசன் தலைமை வகித்தாா். தலைவா் எம்.ஞானமுத்து, பொருளாளா் லட்சுமணன், துணைத் தலைவா் எஸ்.செந்தில்குமாா், வசந்த கோகிலா அகியோா் முன்னிலை வகித்தனா். இதில் 30-க்கும் மேற்பட்டவா்கள் கலந்துகொண்டனா்.

இதேபோல, ராமநாதபுரத்தில் நடைபெற்ற போராட்டத்துக்கு தாலுகா தலைவா் ஆா்.நடராஜன் தலைமை வகித்தாா். பொருளாளா் கே.நிலா்வேணி முன்னிலை வகித்தாா். மாவட்டச் செயலா் எம்.ராஜ்குமாா், முன்னாள் தலைவா் கல்யாண சுந்தரம் உள்ளிட்டோா் ஈடுபட்டனா். இரு இடங்களிலும் நடைபெற்ற போராட்டத்தில் 49 போ் கைது செய்யப்பட்டனா்.