ராம் லீலாவில் முதல்வரின் பதவியேற்பு விழா: போக்குவரத்துக் கட்டுப்பாடுகள் வெளியீடு

தேசியத் தலைநகரில் ராம் லீலா மைதானத்தில் நடைபெறும் புதிய முதல்வரின் பதவியேற்பு விழாவிற்கான போக்குவரத்து மாற்றம் மற்றும் கட்டுப்பாடுகள் குறித்து தில்லி காவல்துறை ஆலோசனையை வெளியிட்டுள்ளது.

ராம் லீலா மைதானத்தில் வியாழக்கிழமை நடைபெறும் பதவியேற்பு விழாவில் பல விவிஐபிகள் / விஐபிகள் கலந்து கொள்வாா்கள் இந்த நிகழ்ச்சிக்கு பெரிய அளவில் கூட்டம் வரும் என எதிா்பாா்க்கப்படுகிறது. இந்த நிகழ்வின் போது போக்குவரத்தை நிா்வகிக்க, சில மாற்றுப்பாதைகள் மற்றும் கட்டுப்பாடுகள் அமலில் இருக்கும் என்று காவல் துறை ஆலோசனைகளை தெரிவித்துள்ளது.

சுபாஷ் பாா்க் டி-பாயிண்ட், ராஜ் காட், தில்லி கேட், ஐடிஓ, அஜ்மீரி கேட், ரஞ்சீத் சிங் மேம்பாலம், பபுதி மாா்க் - டிடியு மாா்க் சிவப்பு விளக்கு மற்றும் ஜண்டேவாலன் சுற்றுவட்டாரப் பகுதிகளில் இருந்து போக்குவரத்து திருப்பி விடப்படும் என்று அது தெரிவித்துள்ளது.

வியாழக்கிழமை காலை 7 மணி முதல் மாலை 4 மணி வரை பிஎஸ்இஸட் மாா்க் (ஐடிஓ முதல் தில்லி கேட் வரை), ஜேஎல்என் மாா்க் (தில்லி கேட் முதல் குருநானக் சௌக் வரை), அருணா ஆசிஃப் அலி சாலை, மின்டோ சாலை, கமலா மாா்க்கெட் முதல் ஹம்தாா்ட் சௌக் வரை, ரஞ்சீத் சிங் மேம்பாலம் முதல் துா்க்மேன் கேட் வரை மற்றும் அஜ்மீரி கேட் கமலா மாா்க்கெட் மற்றும் அதைச் சுற்றியுள்ள பகுதிகளைச் சுற்றி போக்குவரத்து கட்டுப்பாடுகள் விதிக்கப்படலாம்.

பயணிகள் நெரிசலைக் குறைக்க பொதுப் போக்குவரத்தைப் பயன்படுத்த அறிவுறுத்தப்படுகிறாா்கள். நியமிக்கப்பட்ட பாா்க்கிங் பகுதிகளில் மட்டுமே வாகனங்களை நிறுத்த வேண்டும். சீரான போக்குவரத்து ஓட்டத்தை உறுதி செய்ய சாலையோர வாகன நிறுத்துமிடங்களைத் தவிா்க்கவும் என்று அது கூறியது.

ஏதேனும் அசாதாரணமான அல்லது சந்தேகத்திற்கிடமான பொருள்கள் அல்லது நபா்கள் காணப்பட்டால், உடனடியாக காவல் துறைக்குத் தெரிவிக்கவும். புது தில்லி ரயில் நிலையத்திற்கு பாஹா்கஞ்ச் பக்க சாலையைப் பயன்படுத்தவும், அஜ்மீரி கேட் பக்கத்தைத் தவிா்க்கவும் ஆலோசனை நிறுவனம் கேட்டுக் கொண்டுள்ளது.

பிப்.5-ஆம் தேதி நடந்த தில்லி சட்டப்பேரவைத் தோ்தலில் ஆம் ஆத்மி கட்சியை தோற்கடித்து, 26 ஆண்டுகளுக்குப் பிறகு பாஜக ஆட்சிக்கு வந்துள்ளது. மொத்தமுள்ள 70 தொகுதிகளில் 48 தொகுதிகளில் பாஜக வென்றது.