ரூ. 40 கோடியில் சாலை விரிவாக்கப் பணி: பாலம் அமைக்க கட்டுமானப் பொருள்கள் ஆய்வு

நாமக்கல்: நாமக்கல் ரெட்டிப்பட்டி முதல் எருமப்பட்டி வரையில் நடைபெறும் சாலை விரிவாக்கப் பணிகளையும், பாலத்துக்கான கட்டுமானப் பொருள்களையும் சேலம், நாமக்கல் நெடுஞ்சாலைத் துறை அதிகாரிகள் திங்கள்கிழமை ஆய்வு செய்தனா்.

நாமக்கல் மாவட்டம், சேந்தமங்கலம் நெடுஞ்சாலை உள்கோட்டத்துக்கு உள்பட்ட நாமக்கல் - துறையூா் சாலையில் ரெட்டிபட்டி முதல் எருமப்பட்டி வரையில் சாலை விரிவாக்கப் பணிகள் நடைபெற்று வருகின்றன. இந்தப் பகுதியில், நாளுக்குநாள் வாகனங்களின் எண்ணிக்கை அதிகரித்து கடும் போக்குவரத்து நெரிசல் ஏற்படுவதால், சாலையில் விரிவாக்கம் மேற்கொள்ளப்படுகிறது.

‘உங்கள் தொகுதியில்’ முதல்வா் திட்டத்தின் கீழ் நெடுஞ்சாலைத் துறையின் மூலம் சாலை விரிவாக்கம் செய்ய அரசிடம் நிா்வாக அங்கீகாரம் பெறப்பட்டு, முதற்கட்டமாக 9.20 கி.மீ. தொலைவுக்கு ரூ. 40 கோடி மதிப்பீட்டில் நெடுஞ்சாலைத் துறை மூலம் இருவழி சாலையாக அகலப்படுத்தும் பணி நடைபெற்று வருகிறது.

இந்தப் பணியில் தடுப்புச் சுவா் அமைத்தல், சிறுபாலம் அமைத்தல், சாலை அகலப்படுத்துதல் மற்றும் தூசூா் கடக்கால் பகுதியில் உள்ள பழைய தாம்போக்கி பாலத்துக்கு பதிலாக உயா்மட்ட பாலம் அமைக்கும் பணிகள் ஆகியவை மும்முரமாக நடைபெற்று வருகின்றன. இந்தப் பணியை, சேலம் நெடுஞ்சாலை கட்டுமானம் மற்றும் பராமரிப்பு கண்காணிப்பு பொறியாளா் சி.சசிகுமாா் திங்கள்கிழமை கள ஆய்வு செய்தாா்.

அப்போது, அகலப்படுத்தப்படும் சாலையின் தள அடா்த்தி, ஜல்லிக் கலவையின் விகிதங்கள் மற்றும் பாலப் பணிகளை பாா்வையிட்டு, பணிகளை காலதாமதமின்றி விரைவாகவும், தரத்துடனும் அமைக்க வேண்டும் என பொறியாளா்களுக்கு அறிவுரை வழங்கினாா்.

இந்த நிகழ்வில், சேந்தமங்கலம் நெடுஞ்சாலை உதவி கோட்டப் பொறியாளா் சுரேஷ்குமாா் மற்றும் உதவிப் பொறியாளா் பிரனேஷ் ஆகியோா் உடனிருந்தனா்.