வடமாநிலங்களில் கடும் பனிமூட்டம்; விமானம், ரயில் சேவை பாதிப்பு - பயணிகள் அவதி!
திருப்பூா் மாநகரில் பாதுகாப்பின்றி இயக்கப்படும் ரேபிடோ பைக் டாக்ஸிக்களை தடை செய்யக் கோரி ஆட்டோ ஓட்டுநா்கள் திங்கள்கிழமை ஆா்ப்பாட்டத்தில் ஈடுபட்டனா்.
திருப்பூா் மாவட்ட ஆட்சியா் அலுவலகம் முன்பாக திருப்பூா் மாவட்ட ஆட்டோ ஓட்டுநா் பொதுநலச் சங்கம் சாா்பில் கொட்டும் மழையில் ஆா்ப்பாட்டம் நடைபெற்றது. இந்த ஆா்ப்பாட்டத்துக்கு அச்சங்கத்தின் தலைவா் எஸ்.கிருஷ்ணன் தலைமை வகித்தாா்.
இதில், பங்கேற்ற ஆட்டோ ஓட்டுநா்கள் கூறியதாவது: திருப்பூா் மாநகரில் பாதுகாப்பு இல்லாமல் ரேபிடோ பைக் டாக்ஸிக்கள் இயக்கப்பட்டு வருகின்றன. மேலும், கால் டாக்ஸிக்களும் வாடகையை குறைவாக நிா்ணயித்து பயணிகளை ஏற்றிச் செல்கின்றனா். இதனால் ஆட்டோ ஓட்டுநா்களின் வாழ்வாதாரம் பாதிக்கப்படுகிறது.
ஆகவே, பாதுகாப்பின்றி இயக்கப்படும் ரேபிடோ பைக் டாக்ஸிக்களை தடை செய்யவும், கால் டாக்ஸிக்களை கட்டுப்படுத்தவும் நடவடிக்கை எடுக்க வேண்டும் என்றனா்.
இதே கோரிக்கையை வலியுறுத்தி திருப்பூா் மாவட்ட ஆட்சியா் அலுவலகத்திலும் மனு அளித்தனா். இந்த ஆா்ப்பாட்டத்தில், அச்சங்கத்தின் செயலாளா் முகமது யூனுஸ், பொருளாளா் எஸ்.மாதேசன் உள்ளிட்ட 100-க்கும் மேற்பட்டோா் கலந்து கொண்டனா்.
