ரௌடியைக் கொல்ல முயன்ற வழக்கில் 4 போ் கைது

புதுச்சேரி அருகே ரௌடியை வெட்டிக் கொல்ல முயன்ற வழக்கில் கத்தி உள்ளிட்ட ஆயுதங்களுடன் 4 பேரை போலீஸாா் சனிக்கிழமை கைது செய்தனா்.

புதுச்சேரி பிரியதா்ஷினி நகரைச் சோ்ந்தவா் மணிகண்டன் (எ) ஸ்டிக்கா் மணி (24). இவா் ரௌடிப் பட்டியலில் இடம் பெற்றுள்ளதாக போலீஸாா் தெரிவித்தனா். இவருக்கும், கோவிந்தசாலையைச் சோ்ந்த லோகபிரகாஷ் என்பவருக்கும் முன்விரோதம் இருந்ததாகக் கூறப்படுகிறது.

இந்தநிலையில், கடந்த ஜனவரியில் லோகபிரகாஷை கொலை செய்ய, மணிகண்டன் திட்டமிட்ட நிலையில் ஓதியஞ்சாலை போலீஸாரால் கைது செய்யப்பட்டு சிறையில் அடைக்கப்பட்டாா்.

அவா் பிணையில் வந்த நிலையில், சில நாள்களுக்கு முன்பு மணிகண்டன், நண்பா் சந்தோஷுடன் முருங்கப்பாக்கம், வில்லியனூா் சாலையில் இருசக்கர வாகனத்தில் சென்ற போது மா்மக்கும்பலால் விரட்டி வெட்டப்பட்டாா். இதில் பலத்த காயமடைந்த மணிகண்டன் மருத்துவமனையில் சோ்க்கப்பட்டு சிகிச்சை பெற்றுவருகிறாா். இது குறித்து மணிகண்டன் அளித்த புகாரின் பேரில், முதலியாா்பேட்டை போலீஸாா் வழக்குப் பதிந்து விசாரித்தனா். அதன்படி மணிகண்டனை தாக்கி கொல்ல முயன்ாக தனுஷ், சஞ்சய், சுனில் மற்றும் குட்டி சந்துரு ஆகியோரை போலீஸாா் கைது செய்து, அவா்களிடமிருந்து கத்தி மற்றும் 2 இருசக்கர வாகனங்கள் உள்ளிட்டவற்றை பறிமுதல் செய்தனா்.