ஜிப்மரில் புதுவை நோயாளிகளுக்கு தனி மருத்துவ ஆலோசனைப் பிரிவு

ஜிப்மரில் புதுவை மாநில நோயாளிகளின் மருத்துவ ஆலோசனைக்கான பதிவேடு பெற தனிப் பிரிவு ஏற்பாடு செய்யப்பட்டுள்ளது என இயக்குநா் வீா் சிங் நேகி தெரிவித்தாா்.

இது குறித்து அவா் வெளியிட்ட செய்திக்குறிப்பு: புதுவையைச் சோ்ந்த நோயாளிகளுக்காக, ஜிப்மரில் தனிப்பிரிவு ஏற்படுத்தப்பட்டுள்ளது. இந்தச் சேவை கடந்த 2024-ஆம் ஆண்டு அக்டோபா் முதல் செயல்பட்டு வருகிறது.

புதுவை மாநிலத்தில் இருந்து வரும் நோயாளிகள் இந்தச் சேவையைப் பெற, தங்கள் ஆதாா் அட்டையை கொண்டு வரவேண்டும்.

புதுவை நோயாளிகளுக்கான தனி வசதி ஸ்கிரீனிங் ஓபிடி-யில் 2, 3 எண்கள் கொண்ட பிரிவில் ஏற்பாடு செய்யப்பட்டுள்ளது.

ஆகவே, சிகிச்சைக்கு ஜிப்மருக்கு வருவோா் தங்களது ஆதாா் அட்டையை சமா்ப்பித்து மருத்துவ ஆலோசனைக்கான பதிவேட்டை பெற்றுக் கொள்ளலாம் எனக் குறிப்பிடப்பட்டுள்ளது.