கற்றல் செயல்பாட்டில் மணற்கேணி செயலி: கல்வித் துறை அறிவுறுத்தல்
லாஸ் ஏஞ்சலிஸ் காட்டுத் தீ விபத்துக்கு நன்கொடை அளிப்பதாக அமெரிக்க டென்னிஸ் வீரர் டெய்லர் ஃபிரிட்ஸ் தெரிவித்துள்ளார்.
மெல்போர்னில் நடைபெற்ற ஆஸி. ஓபன் டென்னிஸ் தொடரின் மூன்றாவது சுற்றில் கிறிஸ்டியன் கரினை 6-2, 6-1, 6-0 என்ற கணக்கில் அமெரிக்க வீரர் டெய்லர் ஃபிரிட்ஸ் தோற்கடித்தார். வெற்றியைத் தொடர்ந்து, அமெரிக்காவின் லாஸ் ஏஞ்சலில் நகரில் ஏற்பட்டுள்ள காட்டுத் தீ விபத்து நன்கொடை வழங்குவதாகவும் அறிவித்துள்ளார்.
ஃபிரிட்ஸ் நீண்ட காலம் வாழ்ந்த லாஸ் ஏஞ்சலிஸில் தற்போது காட்டுத் தீயால் பாதிக்கப்பட்டிருப்பதையடுத்து, தான் ஆஸி. முதல் சுற்றில் வெற்றி பெற்ற பரிசுத்தொகை 82,000 டாலரை (சுமார் ரூ. 71 லட்சம்) நன்கொடையாக வழங்குவதாக அறிவித்தார். மேலும், லாஸ் ஏஞ்சலில் காட்டுத் தீ விபத்துக்கு நன்கொடை அளிப்பவர்களை ஊக்குவிப்பதாகவும் கூறினார்.
இதையும் படிக்க:விடாமுயற்சி டிரைலர் வெளியானது!
இதற்கு முன்னதாக, லாஸ் ஏஞ்சலிஸ் காட்டுத் தீ விபத்தில் உதவிபுரியும் தீயணைப்பு வீரர்களுக்கு உதவும்விதமாக, மேடிசன் கீஸ் 20,000 டாலர் நன்கொடை அளித்துள்ளார்.
அமெரிக்காவின் லாஸ் ஏஞ்சலிஸில் ஒரு வாரத்துக்கும்மேலாக நீடித்து வரும் காட்டுத் தீயால், இதுவரையில் குறைந்தது 25 பேர் பலியானதாக தகவல் வெளியாகியுள்ளது; 15 பேர் வரையில் காணாமல் போயுள்ளதாகவும் கூறுகின்றனர். பல்லாயிரக்கணக்கான ஏக்கர் நிலப்பரப்பும் காட்டுத் தீயால் பாதிக்கப்பட்டுள்ளது.
ஆயிரக்கணக்கான மக்கள் நிவாரண முகாம்களில் தங்கியிருக்கவும் அறிவுறுத்தப்பட்டுள்ளனர். இந்த நிலையில், லாஸ் ஏஞ்சலீஸ் கவுண்ட்டியில் காட்டுத்தீ பரவலைக் கட்டுப்படுத்த, விமானங்கள் மற்றும் ஹெலிகாப்டர்கள் மூலம் பிங்க் பொடி தூவி தீயை அணைக்கும் நடவடிக்கைகள் முடுக்கி விடப்பட்டுள்ளன.
