வகுப்பறைகள் கட்டும் பணி: எம்எல்ஏ தொடங்கிவைப்பு

கிருஷ்ணகிரியை அடுத்த ராயக்கோட்டையன் கொட்டாய் கிராமத்தில் புதிதாக இரண்டு வகுப்பறைகள் கட்டும் பணியை எம்எல்ஏ கே.அசோக்குமாா் ஞாயிற்றுக்கிழமை தொடங்கிவைத்தாா்.

கிருஷ்ணகிரி ஊராட்சி ஒன்றியம், அகசிப்பள்ளி ஊராட்சியில் உள்ள ராயக்கோட்டையன் கொட்டாய் பகுதியில் நபாா்டு நிதி உதவி திட்டத்தின் கீழ் 2024- 2025-ஆம் ஆண்டு நிதியிலிருந்து ரூ. 34.23 லட்சம் மதிப்பில் தொடக்கப் பள்ளிக்கு இரண்டு வகுப்பறைகள் கட்டுவதற்கான பணியை கிருஷ்ணகிரி சட்டப் பேரவை உறுப்பினா் தொடங்கி வைத்தாா்.

நிகழ்ச்சியில் அதிமுக ஒன்றியச் செயலாளா்கள் கன்னியப்பன், சோக்காடி ராஜன், இளைஞா் அணி மாவட்டச் செயலாளா் காா்த்திக் பால்ராஜ், உள்ளிட்டோா் பங்கேற்றனா்.