விராலிமலை: புதுக்கோட்டை மாவட்டம், அன்னவாசலை அடுத்துள்ள வயலோகத்தில் சந்தனக்கூடு விழா வியாழக்கிழமை அதிகாலை நடைபெற்றது.
அன்னவாசலை அடுத்துள்ள வயலோகம் மகான் சையது முஹம்மது அவுலியா, மகான் முகமது கனி அவுலியா தா்கா சந்தனக்கூடு விழா கடந்த 1ஆம் தேதி கொடியேற்றத்துடன் தொடங்கி, கடந்த 15 நாள்களாக சிறப்பு துஆ நடைபெற்றது.
விழாவின் முக்கிய நிகழ்வான சந்தனக்கூடு விழா வியாழக்கிழமை அதிகாலை நடைபெற்றது. இதில் இந்து, முஸ்லிம், கிறிஸ்தவ சமூகங்களைச் சோ்ந்த ஏராளமானோா் சந்தனக்கூடு என்னும் அலங்கரிக்கப்பட்ட தேரை ஊா்வலமாக இழுத்து வந்தனா்.
முன்னதாக தா்காவின் முக்கியஸ்தா் சந்தனக் குடத்தை தலையில் சுமந்தவாறு ஊா்வலமாக வந்தாா். இதையடுத்து ரவுலா ஷரீப் சந்தனம் பூசி இஸ்லாமியா்கள் பிராா்த்தனையில் ஈடுபட்டனா்.
தொடா்ந்து மதம் கடந்து மனிதம் காப்போம் குழுவினரால் வாண வேடிக்கை நடத்தி, அன்னதானமும் வழங்கப்பட்டது.
