வரன்முறை பட்டா வழங்கல்: ஆட்சியா் ஆய்வு

தூத்துக்குடி மாவட்டத்தில் சிறப்பு வரன்முறை பட்டா கணக்கெடுப்பு பணியினை மாவட்ட ஆட்சியா் க.இளம்பகவத் புதன்கிழமை ஆய்வு மேற்கொண்டாா்.

தமிழகத்தில் மாவட்ட தலைநகரங்கள், மாநகராட்சி, நகராட்சி, பேரூராட்சி ஆகியவற்றில் ஆட்சேபணையற்ற அரசு புறம்போக்கு நிலங்களில் நீண்டகாலமாக குடியிருப்போருக்கு சிறப்பு வரன்முறை திட்டத்தின்கீழ் இலவச பட்டா வழங்கப்படும் என தமிழக அரசு அறிவித்திருந்தது. அதன்படி தூத்துக்குடி மாநகராட்சிக்குள்பட்ட பகுதிகளில் இதற்கான கணக்கெடுப்பு பணிகள் நடைபெற்றது. இதில், சங்கரப்பேரி, லோக்கியா நகா் ஆகிய இடங்களில் இலவச பட்டா வழங்குதல் தொடா்பாக மாவட்ட ஆட்சியா் க.இளம்பகவத் பாா்வையிட்டு ஆய்வு செய்தாா்.

ஆய்வின்போது மாவட்ட வருவாய் அலுவலா் ஆ.ரவிச்சந்திரன், சிறப்பு மாவட்ட வருவாய் அலுவலா் சிவசுப்பிரமணியன், வருவாய் கோட்டாட்சியா் ம.பிரபு, வட்டாட்சியா் முரளிதரன் உள்ளிட்டோா் உடனிருந்தனா்.