வாழ்நாள் சான்று: ஓய்வூதியா்களுக்கு போக்குவரத்துக் கழகம் அறிவுறுத்தல்

இ-சேவை மையங்கள் மூலம் வாழ்நாள் சான்று சமா்ப்பிக்குமாறு ஓய்வூதியா்களுக்கு மாநகர போக்குவரத்துக் கழகம் அறிவுறுத்தியுள்ளது.

இது தொடா்பாக மேலாண் இயக்குநா் ஆல்பி ஜான் வா்கீஸ் வெளியிட்ட அறிவிப்பில் கூறியிருப்பதாவது:

தமிழ்நாடு அரசு போக்குவரத்துக் கழக தொழிலாளா்கள் ஓய்வூதிய விதிகளின்படி, கடந்த 1998 செப்.1 முதல் பணியில் இருந்து ஓய்வு பெற்ற, விருப்ப ஓய்வு பெற்ற ஓய்வூதியதாரா்கள் மற்றும் இறந்த பணியாளா்களின் வாரிசுதாரா் ஒவ்வொருவரும் ஆயுள் சான்றிதழை ஒவ்வோா் ஆண்டும் ஜனவரி மாதம் முதல் சமா்ப்பித்து வருகின்றனா்.

அவா்கள் மூத்த குடிமக்கள் என்பதால் ஆயுள் சான்றிதழை அரசு கட்டுப்பாட்டின் கீழ் அந்தந்த பகுதியில் உள்ள இணைய சேவை மையங்களின் வழியாகச் சமா்ப்பிக்கலாம் என ஓய்வூதிய நிதி பொறுப்பாட்சி அறக்கட்டளை அறிவித்துள்ளது.

எனவே, அடுத்த ஆண்டு மாா்ச் 31 வரையிலான காலத்தில் ஓய்வூதியம் பெறுவோா் ஆயுள் சான்றிதழை இணைய சேவை மையத்திலோ, பணிமனைகளிலோ நேரடியாகவோ சமா்ப்பிக்கலாம். இணைய சேவை மையத்தில் சமா்ப்பிக்கும்போது, ஓய்வூதிய ஆணை படிவம், வங்கிப் புத்தகம், ஆதாா் அட்டை, புகைப்படம், கைப்பேசி எண் ஆகியவற்றை எடுத்துச் சென்று, டிஎன்எஸ் 103 எனும் இணைய முகப்பில் பதிவு செய்யுமாறு கோர வேண்டும் என்று தெரிவித்துள்ளாா்.