சிறுவன் கடத்தல் வழக்கு: ஏடிஜிபி ஜெயராமை கைது செய்ய உயர்நீதிமன்றம் உத்தரவு!
விளாத்திகுளத்தில் சட்டப்பேரவைத் தொகுதி திமுக சாா்பில், மாட்டு வண்டி எல்கை பந்தயம் ஞாயிற்றுக்கிழமை நடைபெற்றது.
முன்னாள் முதல்வா் கருணாநிதி பிறந்தநாளை முன்னிட்டு நடைபெற்ற போட்டிக்கு, எம்எல்ஏ ஜீ.வி. மாா்க்கண்டேயன் தலைமை வகித்தாா். சமூக நலன்-மகளிா் உரிமைத் துறை அமைச்சா் பெ. கீதா ஜீவன் முன்னிலை வகித்தாா்.
தூத்துக்குடி மக்களவை உறுப்பினா் கனிமொழி சிறப்பு விருந்தினராகப் பங்கேற்று, போட்டியை கொடியசைத்துத் தொடக்கிவைத்தாா்.
சின்ன மாட்டு வண்டி போட்டியில் தூத்துக்குடி, திருநெல்வேலி, ராமநாதபுரம், விருதுநகா், சிவகங்கை, மதுரை, தஞ்சை உள்ளிட்ட பல்வேறு பகுதிகளிலிருந்து 30-க்கும் மேற்பட்ட வண்டிகள் பங்கேற்ால் 2 சுற்றுகளாக நடைபெற்றது. விளாத்திகுளம் - எட்டயபுரம் மாநில நெடுஞ்சாலையில் சுப்பிரமணியபுரம் விலக்கிலிருந்து 5 மைல் தொலைவுக்கு நடைபெற்ற போட்டியின் முதலாவது சுற்றில் சீவலப்பேரி ஸ்ரீ துா்காம்பிகா, கங்கன்குளம் எஸ்.ஆா்.எஸ். சங்கா், பத்மநாபமங்கலம் பேச்சி பிரம்மசக்தி, குமரெட்டியாபுரம் மகாவிஷ்ணு ஆகியோரின் வண்டிகள் முறையே முதல் 4 இடங்களைப் பிடித்தன.
2ஆவது சுற்றில் விளாத்திகுளம் சோ்மன் முனியசக்தி ராமச்சந்திரன், வைப்பாறு மணி கலா, தொட்டம்பட்டி பேச்சிநாயக்கா், செமப்புதூா் மகாலட்சுமி ஆகியோரின் வண்டிகள் முறையே முதல் 4 இடங்களைப் பிடித்தன.
நடுமாட்டு வண்டி போட்டியில் 12 ஜோடி காளைகள் பங்கேற்றன. இதில், சீவலப்பேரி ஸ்ரீ துா்காம்பிகா, நாகம்பட்டி மகா பில்டா்ஸ், தேவாரம் சஞ்சய் சுரேஷ், ஓட்டப்பிடாரம் கணேசன் ஆகியோரின் வண்டிகள் முறையே முதல் 4 இடங்களைப் பிடித்தன.
வெற்றிபெற்ற வண்டிகளுக்கும், சாரதிகளுக்கும், மாட்டின் உரிமையாளா்களுக்கும் மொத்தம் ரூ. 5 லட்சம், எல்இடி டிவி உள்ளிட்ட பொருள்கள், மரக்கன்றுகள் பரிசாக வழங்கப்பட்டன.
இதில், விளாத்திகுளம் பேரவைத் தொகுதி தோ்தல் பாா்வையாளா் பெருமாள்சாமி, மாநில நெசவாளா் அணி துணைச் செயலா் வசந்தம் ஜெயக்குமாா், திமுக ஒன்றியச் செயலா்கள் ராமசுப்பு, அன்புராஜன், ராதாகிருஷ்ணன், மும்மூா்த்தி, சின்னமாரிமுத்து, நவநீதகண்ணன், காசிவிஸ்வநாதன், பேரூா் செயலா் வேலுச்சாமி, மாவட்ட இளைஞரணி துணை அமைப்பாளா் இம்மானுவேல், பேரூராட்சித் தலைவா்கள் சூா்யா அய்யன்ராஜ், ராமலட்சுமி சங்கரநாராயணன், மாவட்ட கவுன்சிலா் நடராஜன், கூட்டுறவு சங்கச் செயலா் ராமச்சந்திரன், மாவட்ட மாணவரணி துணை அமைப்பாளா் ஆகாஷ் பாண்டியன் உள்ளிட்ட பலா் பங்கேற்றனா்.
