விளையாட்டு போட்டிகளில் வெற்றி பெற்ற மாற்றுத்திறனாளிகளுக்கு பதக்கம்: ஆட்சியா் வழங்கினாா்

மாற்றத்திறனாளிகளுக்கான விளையாட்டுப் போட்டிகளில் வெற்றி பெற்றவா்களுக்கு பதக்கம் மற்றும் பாராட்டு சான்றிதழ்களை சென்னை மாவட்ட ஆட்சியா் ரஷ்மிசித்தாா்த் ஜகடே வழங்கினாா்.

உலக மாற்றுத்திறனாளிகள் தினத்தை முன்னிட்டு, சென்னை மாவட்ட அளவிலான மாற்றுத்திறனாளி குழந்தைகளுக்கான விளையாட்டுப் போட்டிகள் வேப்பேரி மனவளா்ச்சி குன்றியோருக்கான சிறப்புப் பள்ளியில் புதன்கிழமை நடைபெற்றது. போட்டிகளை சென்னை மாவட்ட ஆட்சியா் ரஷ்மிசித்தாா்த் ஜகடே கொடியசைத்து தொடங்கி வைத்தாா்.

இந்தப் போட்டிகளில் வடசென்னைக்கு உள்பட்ட அரசு அங்கீகாரம் பெற்ற சிறப்புப் பள்ளிகள், அரசு உதவிப் பெறும் சிறப்புப் பள்ளிகள், தன்னாா்வ தொண்டு நிறுவனங்கள் என மொத்தம் 32 சிறப்புப் பள்ளிகளைச் சோ்ந்த 600-க்கும் மேற்பட்ட மாணவ, மாணவிகள் கலந்து கொண்டனா்.

இதில், முதல் 3 இடங்களைப் பிடித்த மாற்றுத்திறனாளி மாணவா்களுக்கு பாராட்டுச் சான்றிதழ், பதக்கங்களை மாவட்ட ஆட்சியா் வழங்கினாா்.

இந்தப் போட்டிகளைத் தொடா்ந்து மாற்றுத்திறனாளிகளுக்கு நலத்திட்ட உதவிகளும் வழங்கப்பட்டன. இதில், 8 பயனாளிகளுக்கு ரூ. 3,52,511 மதிப்பிலான ஒரு ஸ்கூட்டா், பேட்டரி பொருத்தப்பட்ட 2 சக்கர நாற்காலி மற்றும் மூளை முடக்குவாத 5 சிறப்பு சக்கர நாற்காலிகளும் வழங்கப்பட்டன.

இந்த நிகழ்ச்சியின்போது, மாவட்ட மாற்றுத்திறனாளிகள் நல அலுவலா் பாலாஜி மற்றும் ஆசிரியா்கள் உடனிருந்தனா்.