விழுப்புரத்துக்கு முதல்வா் இன்று வருகை!

முதல்வா் மு.க.ஸ்டாலின் வருகையையொட்டி, விழுப்புரம் மாவட்டம் முழுவதும் போலீஸாா் கண்காணிப்புப் பணியில் ஈடுபட்டு வருகின்றனா்.

விழுப்புரம் மாவட்டத்தில் ஜன.27, 28 ஆகிய தேதிகளில் நடைபெறும் அரசு மற்றும் கட்சி நிகழ்ச்சிகளில் முதல்வா் மு.க.ஸ்டாலின் பங்கேற்கிறாா். அதன்படி, விழுப்புரம் மாவட்டத்துக்கு திங்கள்கிழமை (ஜன.27) வருகை தரும் முதல்வா் திண்டிவனத்தில் நடைபெறும் திமுக கூட்டத்தில் பங்கேற்கிறாா்.

தொடா்ந்து, செவ்வாய்க்கிழமை (ஜன.28) வழுதரெட்டியில் நடைபெறும் முன்னாள் அமைச்சா் ஏ.கோவிந்தசாமியின் நினைவு அரங்கம் மற்றும் இட ஒதுக்கீட்டுப் போராட்டத்தில் உயிா்நீத்த 21 சமூக நீதிப் போராளிகளின் மணி மண்டபத்தைத் திறந்து வைத்து பயனாளிகளுக்கு நலத்திட்ட உதவிகளை வழங்குகிறாா்.

பாதுகாப்புப் பணியில்... முதல்வரின் வருகையையொட்டி, விழுப்புரம் சரக டிஐஜி திஷா மிட்டல் தலைமையில், விழுப்புரம் எஸ்.பி.சரவணன், கடலூா் எஸ்.பி. ஜெயக்குமாா், கள்ளக்குறிச்சி எஸ்.பி. ரஜத் சதுா்வேதி உள்ளிட்ட 7 எஸ்.பி.க்கள், 10 கூடுதல் காவல் கண்காணிப்பாளா்கள், 20 காவல் துணைக் கண்காணிப்பாளா்கள் உள்ளிட்ட 2 ஆயிரத்துக்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டுள்ளனா்.