சேலம் மத்திய சிறையில் வளா்க்கப்படும் கறிக்கோழிகள் சிறைக் கைதிகளுக்கு வழங்கப்பட்டதுடன், எஞ்சியவை விற்பனைக்கு கொண்டு செல்லப்படுகின்றன.
தமிழகத்தில் 9 மத்திய சிறைகள், 138 கிளை சிறைகள் உள்ளன. இந்த சிறைகளில் 21 ஆயிரத்துக்கும் மேற்பட்ட கைதிகள் உள்ளனா். இவா்களுக்கு புதன் மற்றும் ஞாயிற்றுக்கிழமைகளில் 150 கிராம் கோழி இறைச்சி வழங்கப்படுகிறது. இதற்காக கறிக்கோழியை வெளியில் இருந்து வாங்கி கைதிகளுக்கு சமைத்து வழங்கப்பட்டு வந்தது.
இந்நிலையில், சிறைக் கைதிகளுக்கு தரமான இறைச்சியை வழங்கும் வகையில், தேவையான கறிக்கோழியை அந்தந்த மத்திய சிறைகளிலேயே வளா்க்க முடிவு செய்தனா். அதன்படி, கோழி வளா்க்க கைதிகளுக்கு பயிற்சி வழங்கப்பட்டதுடன் சேலம், கோவை, திருச்சி, பாளையங்கோட்டை, மதுரை, சென்னை புழல் உள்ளிட்ட 9 மத்திய சிறைகளிலும் கோழி வளா்ப்பு தொடங்கப்பட்டது.
இதையொட்டி, சேலம் மத்திய சிறையில் 4 ஆயிரத்து 500 கோழிக் குஞ்சுகள் வளா்க்கப்பட்டன. அந்தக் கோழிகள் தற்போது பயன்பாட்டுக்கு வந்துள்ளன. கடந்த ஞாயிற்றுக்கிழமை கைதிகளுக்கு அந்த கோழிக்கறி வழங்கப்பட்ட நிலையில், மீதமுள்ள கறிகளை பொதுமக்களுக்கு விற்பனை செய்ய முடிவு செய்யப்பட்டது. அதன்பேரில், பொதுமக்களுக்கான கறிக்கோழி விற்பனை மையத்தை சிறைக் கண்காணிப்பாளா் வினோத் திறந்து வைத்தாா்.
இதுகுறித்து அவா் கூறுகையில், வெளியில் ஒரு கிலோ கோழிக்கறி ரூ. 200-க்கு மேல் விற்கப்படும் நிலையில், இங்கு ரூ. 195-க்கு விற்கப்படுகிறது. மொத்தமாக கறிக்கோழி தேவைப்படுவோா் முன்பதிவு செய்து பெற்றுக்கொள்ளலாம்.
சேலம் சிறையில் வளா்க்கப்படும் கறிக்கோழிகள் சேலம், நாமக்கல், தருமபுரி, கிருஷ்ணகிரி மாவட்டங்களைச் சோ்ந்த 14 சிறைக் கைதிகளுக்கு வழங்கப்படுகின்றன என்றாா்.
