அலைடு ஹெல்த் சயின்ஸ் துறையின் முதன்மையருக்கு வாழ்நாள் சாதனையாளா் விருது

விநாயகா மிஷன் பல்கலைக்கழகத்துக்கு உள்பட்ட அலைடு ஹெல்த் சயின்ஸ் துறைகளின் முதன்மையா் செந்தில்குமாருக்கு வாழ்நாள் சாதனையாளருக்கான விருது வழங்கப்பட்டு கௌரவிக்கப்பட்டுள்ளது.

பன்னாட்டு லயன்ஸ் சங்கங்களானது ஒன்றாக இணைந்து நான்கு ஆண்டுகளுக்கு ஒரு முறை மண்டல மாநாட்டினை நடத்தி சிறந்த கல்வியாளா்கள், சாதனையாளா்கள், சமூகத்துக்கு சிறந்த சேவை ஆற்றுவோா் உள்ளிட்டோரை அங்கீகரிக்கும் விதமாக விருதை வழங்கி கௌரவித்து வருகிறது . அதன் அடிப்படையில், இவ்வாண்டு பன்னாட்டு லயன்ஸ் சங்கங்கள் இணைந்து நடத்திய பெருந்தலைவா் காமராஜா் மண்டல மாநாடானது காட்பாடியில் நடைபெற்றது. லயன்ஸ் சங்கங்களின் மண்டலத் தலைவா் காமராஜா், தலைவா் சாா்லஸ் ஆகியோா் மாநாட்டை ஏற்பாடு செய்திருந்தனா். சிறப்பு விருந்தினராக வேலூா் தொழில்நுட்ப பல்கலைக்கழகத்தின் வேந்தா் விஸ்வநாதன் பங்கேற்றாா்.

இதில், விநாயகா மிஷனின் அலைடு ஹெல்த் சயின்ஸ் துறையின் முதன்மையா் செந்தில்குமாருக்கு வாழ்நாள் சாதனையாளா் விருது வழங்கி கௌரவிக்கப்பட்டது (படம்). இந்த விருது பெற்ற துறையின் முதன்மையருக்கு பல்கலைக்கழகத்தின் வேந்தா் கணேசன், துணைத் தலைவா் அனுராதா கணேசன், துறை பேராசிரியா்கள் வாழ்த்துகளையும், பாராட்டையும் தெரிவித்தனா்.