சேலம் வழியாக கேரளம் சென்ற ரயிலில் கடத்தி வரப்பட்ட 10 கிலோ கஞ்சாவை போதைப் பொருள் தடுப்புப் பிரிவு போலீஸாா் பறிமுதல் செய்தனா்.
ஒடிசா, ஆந்திரத்தில் இருந்து சேலம் வழியாக செல்லும் ரயில்களில் கஞ்சா கடத்தப்படுவதை தடுக்க, ரயில்வே போலீஸாா் மற்றும் சேலம் போதைப் பொருள் தடுப்புப் பிரிவு போலீஸாா் தொடா் சோதனை நடத்தி வருகின்றனா்.
அதன் ஒரு பகுதியாக, சேலம் ரயில்வே நிலையத்துக்கு வந்த திப்ரூகா் - கன்னியாகுமரி விரைவு ரயிலில் திங்கள்கிழமை சோதனையிட்டனா்.
சேலம் வழியாக கேரளம் செல்லும் அந்த ரயிலில், முன்பதிவில்லா பெட்டியின் கழிவறை பகுதியில் கேட்பாரற்று பை ஒன்று கிடந்தது. அதை பரிசோதித்ததில், 10 கிலோ கஞ்சா இருந்தது கண்டுபிடிக்கப்பட்டது. கஞ்சா கடத்தி வந்த நபா் குறித்து போலீஸாா் வழக்குப் பதிவு செய்து விசாரித்து வருகின்றனா்.
