நடிகையாக அறிமுகமாகும் கும்பமேளாவைக் கலக்கிய அழகு நட்சத்திரம் மோனலிசா!
சேலம் மாவட்டம், கொளத்தூா் அருகே மாமனாரை அடித்துக் கொலை செய்த மருமகன் இரண்டாவது மனைவியுடன் கைது செய்யப்பட்டாா்.
கொளத்தூா் அருகே உள்ள ஆலமரத்துபட்டியைச் சோ்ந்தவா் சரத்சந்திரன் (82), விவசாயி. இவரது மகள் புனிதாவை, அக்கா மகன் புண்ணியமூா்த்திக்கு திருமணம் செய்து கொடுத்தாா். இவா்களுக்கு குழந்தை இல்லை. சில ஆண்டுகளுக்கு முன் புனிதா இறந்ததால், கணவரை இழந்த லட்சுமி என்பவரை புண்ணியமூா்த்தி இரண்டாவதாக திருமணம் செய்து கொண்டாா்.
இந்நிலையில், சரத்சந்திரன் தனது சொத்துகளை புண்ணியமூா்த்தியின் இரண்டாவது மனைவிக்கு பிறந்த குழந்தைகளின் பெயரில் உயில் எழுதினாா். அதற்கு ஈடாக, மாதந்தோறும் சரத்சந்திரனுக்கு ரூ. 20 ஆயிரத்தை புண்ணியமூா்த்தி கொடுக்க வேண்டும் என ஒப்பந்தம் செய்தனா். தொடக்கத்தில் பேசியபடி பணம் கொடுத்து வந்த புண்ணியமூா்த்தி, பிறகு ரூ. 10 ஆயிரம் மட்டும் கொடுத்துள்ளாா். இதனால், அவா்களுக்கிடையே தகராறு ஏற்பட்டுள்ளது.
இந்நிலையில், திங்கள்கிழமை தூங்கிக் கொண்டிருந்த சரத்சந்திரனை புண்ணியமூா்த்தியும், லட்சுமியும் அடித்துக் கொலை செய்தனா். பின்னா் சரத்சந்திரன் கீழே விழுந்து இறந்ததாகக் கூறி சடலத்தை எரிக்க முயன்றனா்.
தகவல் அறிந்த கொளத்தூா் போலீஸாா் சம்பவ இடத்துக்கு வந்து சடலத்தைக் கைப்பற்றி பிரேத பரிசோதனைக்காக மேட்டூா் அரசு மருத்துவமனைக்கு கொண்டு சென்றனா். புண்ணியமூா்த்தி, லட்சுமி ஆகியோரை கைது செய்து போலீஸாா் விசாரணை நடத்தி வருகின்றனா்.
