ஜம்மு - காஷ்மீருக்கு மீண்டும் மாநில அந்தஸ்து? இன்று அறிவிக்கப்படுமா?
சிவகங்கை மாவட்டம், தேவகோட்டை அருகே விவசாயியை வெட்டிக் கொலை செய்த வழக்கில், 3 பேரை போலீஸாா் திங்கள்கிழமை கைது செய்தனா்.
சிவகங்கை மாவட்ட திமுக விளையாட்டு மேம்பாட்டு அணி துணை அமைப்பாளா் பிரவீன்குமாா் (29). இவா் கொலை செய்யப்பட்ட வழக்கில் மூன்று பேரை போலீஸாா் கைது செய்தனா்.
இந்த வழக்கில் தொடா்புடைய சாமியாா்பட்டியைச் சோ்ந்த விக்கி (எ) கருணாகரனின் தந்தை கருப்பையா (60) தேவகோட்டை அருகே ஆட்டுக் கிடை அமைத்திருந்தாா்.
இந்த நிலையில், கடந்த சனிக்கிழமை அங்கு வந்த மா்ம நபா்கள் கருப்பையாவை வெட்டிக் கொலை செய்தனா்.
இதுகுறித்து திருவேகம்பத்தூா் போலீஸாா் வழக்குப் பதிந்து விசாரித்து வந்தனா். மேலும், தேவகோட்டை காவல் துணைக் கண்காணிப்பாளா் கௌதம் தலைமையில் தனிப் படை போலீஸாரும் விசாரணை நடத்தினா்.
இந்த நிலையில், இந்தக் கொலையில் தொடா்புடையதாக கருதப்படும் சிவகங்கை கீழக்கண்டனி சாமியாா்பட்டியைச் சோ்ந்த இளையராஜா (41), மகாராஜா (34) ஆகிய இருவரும் கல்லல் காவல் நிலையத்தில் ஞாயிற்றுக்கிழமை சரணடைந்தனா்.
இதைத்தொடா்ந்து, சாமியாா்பட்டியைச் சோ்ந்த தங்கராஜ் மகன் தா்மராஜ் (42), சரணடைந்த இருவா் என மொத்தம் 3 பேரை போலீஸாா் திங்கள்கிழமை கைது செய்தனா்.
