வீட்டுவரி பெயா் மாற்றம் செய்வதில் அலட்சியம்; முக்கூடல் பேரூராட்சிக்கு அபராதம்

திருநெல்வேலி மாவட்டம், முக்கூடலில் வீட்டுவரி பெயா் மாற்றம் செய்வதில் அலட்சியமாக செயல்பட்டதாக பேரூராட்சி நிா்வாகத்துக்கு நுகா்வோா் நீதிமன்றம் அபராதம் விதித்துள்ளது.

சேரன்மகாதேவி வட்டம், முக்கூடல் சடையப்பபுரம் முத்தையா தெருவைச் சோ்ந்த முத்தப்பா மகன் அஜித் சிவராஜா (42).

இவரது தந்தை முத்தப்பா 24.05.2022இல் இறந்துவிட்டாா். இதையடுத்து அவருக்கு பாத்தியப்பட்ட முக்கூடல் சடையப்பபுரம் முத்தையா தெருவில் உள்ள கதவு எண். 6 உள்ள வீட்டை முக்கூடல் சாா் பதிவாளா் அலுவலக 1276/2022ஆம் நம்பா் பாக பாத்திய விடுதலை பத்திரம் மூலம் அவரது வாரிசுதாரா்கள் அஜித் சிவராஜாவுக்கு எழுதிக் கொடுத்து அவரது அனுபோகத்தில் இருந்து வருகிறது.

இதையடுத்து, தனது தந்தை பெயரில் உள்ள வீட்டுவரியை தனது பெயரில் மாற்றம் செய்வதற்காக அஜித் சிவராஜா, முக்கூடல் பேரூராட்சி செயல் அலுவலரிடம் 10.06.2022இல் மனு கொடுத்து, அதற்கான கட்டணம் ரூ.3,659யையும் செலுத்தியுள்ளாா். எனினும் வீட்டுவரி பெயா் மாற்றம் செய்யப்படவில்லை. 2022-23ஆம் ஆண்டில் சொத்து வரி விதிப்பு சீராய்வு நடைபெற்று வருவதால் சொத்துவரி வழங்க இயலாது என பேரூராட்சி நிா்வாகம் கடிதம் அளித்துள்ளது.

பின்னா், அஜித் சிவராஜா, 10.03.2023 அன்று தனது பெயரில் வீட்டுவரி மாற்றம் செய்து ரசீது வழங்குமாறு பேரூராட்சிக்கு ரூ.220 செலுத்தியுள்ளாா். எனினும் பேரூராட்சி நிா்வாகம் அவரது பெயரில் மாற்றம் செய்யாமல் அவரது தந்தை முத்தப்பா பெயரிலேயே வீட்டுவரி ரசீதை வழங்கியுள்ளது.

இதுகுறித்து பேரூராட்சி வரி வசூலரிடம் கேட்டபோது அலட்சியமாக பதில் அளித்துள்ளாா். இதைத் தொடா்ந்து அஜித் சிவராஜா, திருநெல்வேலி மாவட்ட நுகா்வோா் குறைதீா்க்கும் மன்றத்தில் வழக்குத் தொடா்ந்தாா்.

இவ்வழக்கை விசாரித்த நுகா்வோா் நீதிமன்றத் தலைவா் ஒய். கிளாட்ஸ்டோன் பிளஸ்டி தாகூா், உறுப்பினா் கனகசபாபதி ஆகியோா், மனஉளச்சலுக்கு ஆளான அஜித் சிவராஜவுக்கு பேரூராட்சி நிா்வாகம் ரூ. 5 ஆயிரம் அபராதம் வழங்க வேண்டும் எனவும், செலவுத் தொகை ரூ. 2 ஆயிரமும் சோ்த்து ரூ. 7 ஆயிரம் வழங்க வேண்டும் என உத்தரவிடப்பட்டுள்ளது.

அபாரதத் தொகையை செலுத்த தவறினால் 9 சதவீதம் வட்டி சோ்த்து அவருக்கு வழங்க வேண்டும் என உத்தரவிடப்பட்டுள்ளது.