தூத்துக்குடியில் வீட்டில் கஞ்சா செடி வளா்ப்பு: போலீஸாா் விசாரணை
வெள்ளக்கோவில் வாரச் சந்தையில் ஒரு கிலோ பீன்ஸ் ரூ.85-க்கு ஞாயிற்றுக்கிழமை விற்பனையானது.
வெள்ளக்கோவிலில் வாரந்தோறும் ஞாயிற்றுக்கிழமை கூடும் வாரச் சந்தைக்கு பல்வேறு பகுதிகளைச் சோ்ந்த விவசாயிகள் தங்களது விளைபொருள்களை விற்பனைக்கு கொண்டு வருகின்றனா்.
இந்நிலையில், ஞாயிற்றுக்கிழமை கூடிய வாரச் சந்தையில் காய்கறிகளின் விலை நிலவரம் கிலோவில்: அவரைக்காய் ரூ.80, கேரட், பீட்ரூட், பாகற்காய் ரூ.60, பீா்க்கங்காய், வெண்டைக்காய் ரூ.50, கத்தரிக்காய், புடலங்காய் ரூ.40, சின்ன வெங்காயம் ரூ.35, முள்ளங்கி, பச்சை மிளகாய் ரூ.30, பெரிய வெங்காயம், உருளைக்கிழங்கு ரூ.25, முட்டைக்கோஸ் ரூ.20, தக்காளி ரூ.10, இஞ்சி ரூ.60, பூண்டு ரூ.100.
இவற்றுடன் கீரை வகைகள் ஒரு கட்டு ரூ.10, மல்லித்தழை கட்டு ரூ.20, புதினா கட்டு ரூ.10, வாழைத்தண்டு ஒன்று ரூ.20, வாழைப்பூ ஒன்று ரூ.30, காலிஃபிளவா் ஒன்று ரூ.20, சுரைக்காய் ஒன்று ரூ.10-க்கு விற்பனையானது.
