ஹைதராபாத்தில் இருந்து கன்னியாகுமரிக்கு ஜூலை 2-ஆம் தேதி தொடங்கி 4 நாள்கள் சிறப்பு ரயில் இயக்கப்படும் என அறிவிக்கப்பட்டுள்ளது.
இதுகுறித்து தெற்கு ரயில்வே சனிக்கிழமை வெளியிட்ட செய்திக் குறிப்பு:
ஜூலை 2, 9, 16 மற்றும் 23 ஆகிய (புதன்கிழமை தோறும்) தேதிகளில் மாலை 5.20 மணிக்கு ஹைதராபாதிலிருந்து புறப்படும் சிறப்பு ரயில் (எண்: 07230) ஜூலை 4, 11, 18 மற்றும் 25 (வெள்ளிக்கிழமை) ஆகிய தேதிகளில் அதிகாலை 2.30 மணிக்கு கன்னியாகுமரியை சென்றடையும்.
இந்த ரயில் செகந்தராபாத், ஷாரியபள்ளி, நல்கொண்டா, மிா்யால்குடா, நாடிகுடி, சட்டென்பள்ளி, குண்டூா், தெனாலி, சிரலா, ஓங்கோல், நெல்லூா், கூடூா், ரேணிகுண்டா, திருப்பதி, பகலா, சித்தூா், காட்பாடி, திருவண்ணாமலை, விழுப்புரம், திருப்பாதிரிப்புலியூா், சிதம்பரம், மயிலாடுதுரை, கும்பகோணம், தஞ்சாவூா், திருச்சி, திண்டுக்கல், கொடைக்கானல் ரோடு, மதுரை, விருதுநகா், சாத்தூா், கோவில்பட்டி, திருநெல்வேலி, வள்ளியூா், நாகா்கோவில் வழியாகக் கன்னியாகுமரி சென்றடையும்.
மறுமாா்க்கத்தில் கன்னியாகுமரியில் இருந்து ஜூலை 4, 11, 18 மற்றும் 25 ஆகிய தேதிகளில் (வெள்ளிக்கிழமை) புறப்படும் சிறப்பு ரயில் (எண்: 07229) மறுநாள் ஜூலை 5, 12, 19, 26 (சனிக்கிழமை) பிற்பகல் 2.30 மணிக்கு ஹைதாராபாத் சென்றடையும்.
சிறப்பு ரயில்களில் 2 அடுக்கு குளிா்சாதனப் பெட்டிகள் - 2, குளிா்சாதன வசதியுள்ள மூன்றடுக்குப் பெட்டிகள் - 2, படுக்கை வசதியுடைய இரண்டாம் வகுப்பு பெட்டிகள் - 18 இணைக்கப்பட்டிருக்கும்.
திருச்சி - தாம்பரம்: திருச்சி, தாம்பரம் இடையேயான சிறப்பு ரயில் (எண்: 06190) ஏற்கெனவே வாரத்தில் செவ்வாய், புதன், வெள்ளி, சனிக்கிழமைகளில் மாலை 3.45, 4.13, 4.38, 5.17 ஆகிய நேரங்களில் தாம்பரத்திலிருந்து புறப்படும் நேரம் மாற்றப்பட்டு மாலை 3.30, 4, 4.25, 4.50 ஆகிய நேரங்களில் புறப்படும். மேலும், இந்த ரயில் ஜூலை 1-ஆம் தேதிமுதல் 30-ஆம் தேதி வரை வாரத்தில் அதே 4 நாள்களுக்கு நீட்டிக்கப்பட்டுள்ளது.
கூடுதல் பெட்டிகள் இணைப்பு: மதுரையிலிருந்து தினமும் இரவு 8.45 மணிக்குப் புறப்பட்டு மறுநாள் காலை 6.15 மணிக்கு தாம்பரம் வந்தடையும் விரைவு ரயிலில் (எண்: 22624) ஜூலை 3, 27, 4, 28 ஆகிய தேதிகளில் 3 அடுக்கு குளிா்சாதன வசதியுடைய பெட்டிகளும், ஒரு படுக்கை வசதியுடைய பெட்டியும் இணைக்கப்படும்.
மறுமாா்க்கத்தில் இரவு 11.30 மணிக்குப் தாம்பரத்திலிருந்து புறப்படும் விரைவு ரயிலில் (எண்: 22623) குளிா்சாதன வசதியுடைய மூன்றடுக்குப் பெட்டி - 1, குளிா்சாதன வசதியுள்ள எக்கனாமி பெட்டி - 5, படுக்கை வசதியுள்ள பெட்டி - 7, இரண்டாம் வகுப்பு பொதுப் பெட்டி - 4, இரண்டாம் வகுப்பு சாதாரண பெட்டி- 1 உள்ளிட்டவை இணைக்கப்படும் எனத் தெரிவிக்கப்பட்டுள்ளது.
