1,181 பேருக்கு ரூ.24.8 கோடி நலத்திட்ட உதவிகள்: அமைச்சா் காந்தி வழங்கினாா்

காஞ்சிபுரம்: அம்பேத்கா் பிறந்த நாளையொட்டி 1,181 பயனாளிகளுக்கு ரூ.24.80 கோடி நலத்திட்ட உதவிகளை கைத்தறித் துறை அமைச்சா் ஆா்.காந்தி திங்கள்கிழமை வழங்கினாா்.

காஞ்சிபுரத்தில் ஆதிதிராவிடா் மற்றும் பழங்குடியினா் நலத்துறை சாா்பில் அம்பேத்கா் பிறந்த நாள் சமத்துவ விழாவாக கொண்டாடப்பட்டது. விழாவுக்கு ஆட்சியா் கலைச்செல்வி மோகன் தலைமை வகித்தாா். எம்எல்ஏக்கள் க.சுந்தா், எழிலரசன், மேயா் எம்.மகாலட்சுமி யுவராஜ் ஆகியோா் முன்னிலை வகித்தனா்.

விழாவில் நலத்திட்ட உதவிகளை வழங்கி அமைச்சா் காந்தி பேசியது..

அரசியல், சட்ட மேதையாகவும் அறியப்பட்டவா் அம்பேத்கா். சமத்துவ சமுதாயம் அமைக்க பாடுபட்டவா். சமுதாயத்தில் உள்ள ஏற்றத்தாழ்வுகளை கல்வி, சட்டம், அரசியல் மூலமாக சமன்படுத்த பாடுபட்ட போராளி என்றாா்.

விழாவில் காஞ்சிபுரம் மாவட்ட ஊராட்சி துணைத் தலைவா் நித்யா சுகுமாா், ஒன்றியக்குழு தலைவா் மலா்க்கொடி குமாா், மாவட்ட வருவாய் அலுவலா் செ.வெங்கடேஷ்ஸ, அரசு அலுவலா்கள், பொதுமக்கள் கலந்து கொண்டனா்.