யமுனை வெள்ளப்பெருக்கு சமவெளிகளில் உள்ள பான்செராவில் 20,000 சதுர மீட்டா் பரப்பளவில் அமைந்துள்ள 2 மெகாவாட் சூரிய மின்சக்தி பூங்காவை துணைநிலை ஆளுநா் வி.கே. சக்சேனா திறந்துவைத்தாா்.
இது தொடா்பாக துணை நிலை ஆளுநா் எக்ஸ் சமூக ஊடக வலைதளத்தில் வெளியிட்ட பதிவில் தெரிவித்திருப்பதாவது:
தில்லி மேம்பாட்டு ஆணையத்திற்கு 25 ஆண்டுகளுக்கு ஒரு யூனிட்டுக்கு ரூ.4.42 என்ற நிலையான கட்டணத்தில் மின்சாரம் வழங்குவதன் மூலம் சூரிய மின்சக்தி பூங்கா தலைநகரில் புதுப்பிக்கத்தக்க எரிசக்தி உள்கட்டமைப்பை வலுப்படுத்தும்.
இந்தத் திட்டம் ஆண்டுதோறும் தோராயமாக 27 லட்சம் யூனிட் மின்சாரத்தை உற்பத்தி செய்யும். நிறுவல், செயல்பாடு மற்றும் பராமரிப்பு செலவுகள் பூஜ்ஜியமாக இருப்பதால், குழு நிகர அளவீட்டுக் கொள்கையின் கீழ் கிட்டத்தட்ட 144 பூங்காக்களுக்கு இது பயனளிக்கும். இந்த சூரிய மின்சக்தி பூங்கா தேசிய புதுப்பிக்கத்தக்க எரிசக்தி இலக்குகளுக்கு பங்களிப்பது மட்டுமின்றி, பிற நகா்ப்புற மேம்பாட்டு அதிகாரிகள் தூய்மையான எரிசக்தி தீா்வுகளை ஏற்றுக்கொள்வதற்கு ஒரு முன்மாதிரியாகவும் செயல்படும்’ என்று அவா் அதில் தெரிவித்துள்ளாா்.
யமுனை வெள்ளப்பெருக்கு சமவெளிகளில் மூங்கில் தோப்புகளின் பசுமையான இடமாக உருவாக்கப்பட்ட பான்செராவில் பிரத்யேக குழந்தைகள் விளையாட்டுப் பகுதியையும் தில்லி துணைநிலை ஆளுநா் திறந்துவைத்தாா்.
