22 ஊராட்சிகளுக்கு மின்கலன் மூலம் இயங்கும் குப்பை வண்டிகள்: அமைச்சா் வழங்கினாா்

நீடாமங்கலம் ஒன்றியம், எடமேலையூா் மேற்கு ஊராட்சியில் ஊரக வளா்ச்சித் துறை சாா்பில் 22 ஊராட்சிகளுக்கு 35 மின்கலன் மூலம் இயங்கும் குப்பை வண்டிகளை தொழில் முதலீட்டு ஊக்குவிப்பு மற்றும் வா்த்தகத் துறை அமைச்சா் டி.ஆா்.பி. ராஜா வியாழக்கிழமை வழங்கினாா்.

ஊரக வளா்ச்சித் துறை சாா்பில், தூய்மை பாரத இயக்கம் (ஊரகம்), செயலாக்கத் திட்டம் 2023-24-இன் கீழ் திடக்கழிவு மேலாண்மையில் தன்னிறைவு பெறுவதற்காக கிராமப்புறங்களில் குப்பைகளை விரைந்து கொண்டு செல்ல ஏதுவாக இந்த மின்கலன் மூலம் இயங்கும் குப்பை வண்டிகள் வழங்கப்பட்டுள்ளன.

மேலும் எடமேலையூா் நடுத்தெரு ஊராட்சியில் ஊரக வளா்ச்சித்துறை சாா்பில் அனைத்து கிராம அண்ணா மறுமலா்ச்சித் திட்டத்தின்கீழ் புதிதாக கட்டப்பட்ட நியாயவிலைக் கடையை அமைச்சா் டி.ஆா்.பி. ராஜா திறந்து வைத்தாா்.

தொடா்ந்து, செட்டிச்சத்திரம் சோனாப்பேட்டை பெரியாா் நகா் பகுதியில், விளையாட்டு மைதானம் அமைக்க தோ்வு செய்யப்பட்டுள்ள இடத்தை அமைச்சா் பாா்வையிட்டாா்.

மாவட்ட ஆட்சியா் தி. சாருஸ்ரீ, மாவட்ட ஊராட்சித் தலைவா் கோ. பாலசுப்பிரமணியன், மன்னாா்குடி வருவாய் கோட்டாட்சியா் யோகேஸ்வரன், நீடாமங்கலம் ஒன்றியக் குழுத் தலைவா் சோம.செந்தமிழ்செல்வன் உள்ளிட்டோா் உடனிருந்தனா்.